हामी सबैकाे संसारन्यूज

४ चैत, काठमाण्डौं । नेपाली दूतावास बहराइनले क्वारेन्टाइनमा राखिएका तीन नेपालीलाई कोरोना भाइरस संक्रमण नभएको पुष्टि गरेको छ ।

क्वारेन्टाइनमा राखिएका उनीहरुको भाइरस संक्रमण भए नभएको बारेमा परीक्षण गर्दा नेगेटिभ देखिएको जानकारी प्राप्त भएको जनाएको हो ।

नेपालीहरुको अवस्था बुझ्न दूतावासका श्रमसहचारी दामोदर दाहाल र राजदूतका सेक्रेटरी (स्थानीय कर्मचारी) शकिन अहमद सेखले स्थलगत निरीक्षण गरी सूचना संकलन गरेको पनि दूतावासले जनाएको छ । साल्मास्थित लेवर क्याम्पमा बस्दै आएका एक कामदारलाई संक्रमण पुष्टि भए पश्चात सोहि लेवर क्याम्पका अन्य सम्पूर्णको स्वास्थ्य परीक्षण तथा उनीहरुलाई क्वारेन्टाइनमा राखिएको थियो ।
१७ मार्च अपरान्ह १ बनेसम्म स्वास्थ्य मन्त्रालयको पछिल्लो जानकारी अनुसार थप ४ जनामा उपचार पश्चात डिस्चार्ज भएका र यससँगै संक्रमण निदान प्राप्त गरी डिस्चार्ज हुनेको संख्या ८१ पुगेको पनि दूतावासले जनाएको छ ।

दूतावासका अनु्सार बहराइनमा हालसम्म १३ हजार २ सय ८२ जना व्यक्तिमा कोरोना संक्रमण भए/नभएको परीक्षण गरेकोमा १ सय ५५ जना संक्रमित छन् भने ३ जना संक्रमित विरामी आइसीयुमा छन् । सोमबार एक संक्रमित बहराइन नागरिकको मृत्यु भएको थियो ।