Sansar News
४ चैत, काठमाण्डौं । काठमाण्डौंको सिफलमा रहेको एक घरका मालिकले आफ्नो घरलाई यदि सरकारले आइसोलेन बनाउन चाहान्छ भने निःशुल्क रुपमा प्रयोग गर्न सक्ने बताएका छन् ।
गोयल ग्रुपका सिइओ तथा सामाजिक अभियन्ता चिराग गोयलले यदि काठमाण्डौंमा कोही पर्यटकले आर्थिक अभावका कारण होटलमा बस्न पाएका छैनन् भने आफ्नो घरलाई (अस्थायी अस्पताल) १४ दिनको क्वारेन्टाइन स्वरुप प्रयोग गर्न सक्ने बताएका छन् ।
विश्वभरी फैलिएको कोरोना भाइरसको महामारीका कारण नेपालमा पनि यसको त्रास बढेको छ । यतिबेला सरकारले चाहेर पनि सबैलाई स्वास्थ्य सेवा दिन नसक्ने बताउँदै गोयलले चावहिलको सिफलमा आफ्नो घर खाली रहेको र त्यसमा १४ दिन सम्म निःशुल्क बस्न सक्ने बताएका छन् ।
‘घरमा ९ कोठा, ३ वाशरुम, २ टेरेस, (जसलाई कोठामा परिवर्तन गर्न सकिन्छ) अनि खाली ठाउँ पनि धेरै छ । जसमा टेन्ट राखेर प्रयोग गर्न सकिन्छ । तर यसको सरसफाईमा भने ध्यान दिनु पर्दछ । किन की केही समयदेखि घर खाली छ । यदि कोही बस्न चाहानुहुन्छ भने हामी सफाइ गरिदिनेछौं ।’ गोयलले मंगलबार सामाजिक संजाल फेसबुकमा लेखेका छन् ।
‘कोही पनि व्यक्ति कोरोना भाइरसविरुद्धको लडाईँको लागि ठाउँ खोजिरहनु भएको छ भने मलाई म्यासेजमा इन्बक्स गर्न सक्नुहुन्छ ।’ उनले भनेका छन् ।
घरको तस्बिरसहितर राखेर यस्तो अनुरोध गरेका गोयलको यस्तो प्रशंसनिय कदमलाई सबैले स्वागत गरेका छन् ।
वि.सं.२०७६ चैत ५ बुधवार ०७:४७ मा प्रकाशित
