हामी सबैकाे संसारन्यूज

५ चैत, मलेसिया । नेपाली दूतावास मलेसियाले सम्पूर्ण कन्सुलर सेवाहरु बन्द गरिएको सूचना जारी गरेको छ ।

मलेसियामा पछिल्लोपटक केहि दिनमा कोरोना संक्रमित व्यक्तिहरुको संख्या बढेको र १६ मार्च सम्म ५५३ जनामा कोरोना संक्रमण भइसकेको अवस्थामा मलेसियन सरकारले भाइरस निन्त्रण र रोकथामका लागि आज (बुधबार १८ मार्च) देखि देहाय बमोजिम नयाँ नियमहरु लागू गरिएको दूतावासले जानकारी दिएको छ ।

मलेसियाका अतिआवस्यक सेवा प्रदान गर्ने सरकारी निकायहरु बाहेक अन्य सबै सरकारी कार्यालयहरु बन्द हुने पनि दूतावासले जनाएको हो ।

त्यसैगरी मलेसिया आउने सबै विदेशी नागरिकहरुलाई मलेसियामा १८ मार्च देखि ३१ मार्च सम्म पूर्ण रोक लगाइएको तथा मलेसियन नागरिकलाई पनि विदेश जान रोक लगाइको छ । नेपाल फिर्ता जान चाहानेको हकमा भने अहिलेसम्म रोक नलगाइएको दूतावासले जनाएको छ ।