हामी सबैकाे संसारन्यूज

८ चैत, पर्वत । पर्वतमा चिकित्सकका लागि आवश्यक सुरक्षा सामाग्री नहुँदा कोरोनाका संभवित लक्षण देखिएका बिरामीको परीक्षण हुन सकेको छैन ।

जिल्ला अस्पताल पर्वतमा तीन बेडको आइसोलेसन वार्ड तयार भएपनि जोखिम देखिएका बिरामीको परीक्षण हुन नसकेको हो ।

इसोलेसन कक्ष तयार गरे पनि संक्रमित भेटिएको खण्डमा उपचार गर्ने चिकित्सकका लागि मास्क र ग्लोब्सबाहेक केही उपलब्ध नभएको अस्पतालका प्रमुख डा. शिशिर देवकोटाले जनाए ।

उनले भने, ‘संक्रमितको उपचारका लागि दुई महिना पुग्ने ग्लोब्स र मास्कबाहेक अन्य सुविधा छैन ।’ डा. देवकोटाका अनुसार विकसित मुलुकमा कोरोना संक्रमित बिरामीको उपचारमा संलग्न चिकित्सक आफू सुरक्षित रहन डब्लुएचओको नियमअनुसार टाउको देखि खुट्टासम्म गाउन प्रयोग गरेको भएपनि नेपालमा ग्लोब्स र मास्ले मात्र उपचार गर्नुपर्ने अवस्था छ । शनिबारको अन्नपूर्णपोष्ट दैनिकबाट