हामी सबैकाे संसारन्यूज

१० चैत, काठमाण्डौं । सरकारले कोरोना संक्रमण नहोस् भनेर उच्च साबधानी बढाएकै बेला राजधानी काठमाण्डौमै कोरोना संक्रमणको पुष्टि भएको छ ।

स्वास्थ्य तथा जनसंख्यामन्त्री भानुभक्त ढकालले सोमबार मध्यान्हमा बिशेष पत्रकार सम्मेलन गरी कोरोना संक्रमित व्यक्ति काठमाडौंमा फेला परेको जानकारी दिएका हुन् । मन्त्रीका अनुसार फ्रान्सबाट काठमाडौं आएकी एक युवतीमा कोरोना संक्रमणको पुष्टि भएको हो ।

फ्रान्सबाट कतारको दोहा हुदै चैत्र ४ गते नेपाल आएकी ती १९ बर्षिया बिद्यार्थीमा कोरोना प्रमाणित भएको हो । आउदासाथ उनीमा कोरोनाको कुनै लक्षण देखिएको थिएन र होम क्वारेन्टाइनमा बसेकी थिइन् ।

सरकारको निगरानी र परीक्षणका क्रममा कोरोना संक्रमण भएको पुष्टि भएपछि उनको अहिले टेकुस्थित शुक्रराज ट्रपिकल तथा सरूवा रोग अस्पतालमा उपचार भइरहेको मन्त्रलायले जनाएको छ । उनीसंगै आएका र उनको संपर्कमा रहेका सबैको खोजी भैरहेको पनि पत्रकार सम्मेलनमा बताइएको थियो । सो अबसरमा मन्त्री ढकालले धैर्यता र संयमतामा जोड दिदै अबका पत्रकार सम्मेलन फरक रुपले हुने समेत बताएका थिए ।