Sansar News
१४ चैत्र, काठमाडौँ । चीनको हेनान प्रान्तको वुहान शहरबाट सुरु भएको नोबेल कारोना भाइरस अहिले विश्वको १९९ देशमा फैलिसको छ । तर यतिबेला चीनले कोरोनाविरुद्धको लडाई सफलता तर्फ गैरहेको बेला युरोप अमेरिका भाइरसको केन्द्रविन्दु बनेका छन् ।
देशले कोरोना भाइरसको प्रकोप न्युन गरिसकेको चीनले विदेशी नागरिकबाट फैलन नपाओस् भनेर विदेशी नागरिकलाई चीन्मा अस्थायी प्रतिबन्ध लगाएको छ ।
चीनको विदेश मन्त्रालयले ‘कोभिड-१९ को विश्वव्यापी विस्तारका कारण सबै विदेशीलाई प्रवेश नदिने निर्णय’ गरिएको जनाएको छ।
उक्त प्रतिबन्ध कुटनीतिज्ञ वा विमानका चालकदलका सदस्यहरू बाहेक प्रवेशाज्ञा र बसोबासको अनुमति पाएका विदेशीहरूका निम्ति पनि लागु हुने बताइएको छ ।
प्रवेशाज्ञा वा बसोबासको अनुमति भएकाहरू पनि २८ मार्च अर्थात् शनिवारबाट चीन जान पाउने छैनन्।
चीनमा तीन दिनयता पहिलो पटक स्वदेशमै भएको नयाँ सङ्क्रमण फेला परेको थियो। अन्यथा सबैजसो विदेशमै सङ्क्रमित भएकाहरू भेटिएका थिए।
बिहीवार चीनमा ५५ जना नयाँ सङ्क्रमित भेटिएकामा ५४ जना विदेशबाट आएकाहरू थिए।
वि.सं.२०७६ चैत १४ शुक्रवार १४:५६ मा प्रकाशित
