हामी सबैकाे संसारन्यूज

२५ चैत, नर्वे । प्रवासी नेपाली एकता मन्च नर्वेले, नर्वेमा अहिलेसम्म कोही पनि नेपाली कोरोना भाइरसबाट संक्रमित नभएको जानकारी दिदैं सबै नेपाली दाजुभाइ तथा दिदी बहिनीहरुको स्वस्थ्य जीवनको कामना गरेको छ ।

विश्वव्यापी रुपमा महामारीका रुपमा फैलिएको कोरोना भाइरसका कारण नर्वेमा अहिलेसम्म ७५ जनाले ज्यान गुमाएको तथा संक्रमितको संख्या ५ हजार ७५८ पुगेको जानकारी गराउँदै यस्तो जटिल परिस्थितिमा अप्ठेरोमा परेका नेपालीलाई सहयोग गर्ने उद्धेश्यले नर्वेमा रहेका सम्पूर्ण नेपाली संघ संस्थाहरु मिलेर राहत समिति बनाएको र मन्च पनि उक्त समितिको महत्वपूर्ण साझेदारका रुपमा रहेको पनि बताइएको छ ।

‘उक्त समितिले राहत संकलन गरी एकद्धारा प्रणालीमार्फत् पीडितलाई सहयोग गर्ने घोषणा गरेको छ । जो व्यक्ति वास्तविक रुपमा अप्ठेरो अवस्थामा हुनुहुन्छ उहाँहरुलाई सहयोग पुर्याउन हामी इमान्दारीताका साथ भूमिका खेल्नेछौं । यदि कोही अप्ठेरो परिस्थितिमा हुनुहुन्छ भने कृपया सहयोग गर्नुहोला ।’ मन्चका अध्यक्ष बिश्वास बज्गाइद्धारा जारी गरिएको विज्ञप्तिमा भनिएको छ ।

त्यसैगरी मन्चले नेपाली समुदायका बारेमा एकअर्काको अवस्थाको बारेमा जानकारी लिन, घरभित्र बस्दा उत्पन्न हुने मनोबैज्ञानिक समस्याहरु कम गर्नका लागि प्रत्येक साताको आइतबार स्थानीय समय १६ :०० बजेदेखि औपचारिक कुराकानी श्इइः मार्फत थालिएको र उक्त अनलाइन कुराकानीमा सहभागी भएर आफ्ना कुराराख्न सकिने पनि बताएको छ ।