हामी सबैकाे संसारन्यूज

आफ्नी पत्नी सहित हरियाणाको रोहतकबाट उत्तर प्रदेशको बलरामपुर सम्म ७०० किलोमिटर यात्रा गरेका राघोराम एक मजदुर हुन ।

बिबिसिका अनुसार राघोराम कामको सिलसिलामा पाँच महिना अघि उत्तर प्रदेशको बलरमपुरबाट हरियाणाको रोहतक पुगेका थिए । उनले त्यहाँ केहि दिन अघिमात्र एक ठेकेदार मार्फत ९ हजार भारु तलब पाउने गरी एक निजी कम्पनीमा काम पाएका थिए ।

कोरोनाको माहामारिका कारणले केहि दिन अघि कम्पनी बन्द भएको थियो । कम्पनी बन्द भए पछि उनले व्यवस्थापनका लागि काम लगाउने ठेकेदारसंग कुरा पनि गरे तर ठेकेदारले केहि गर्न नसक्ने भने पछि उनीसँग घर फर्कनुको बिकल्प रहेन ।

उनले कोरोना भाईरसको त्रासका कारण अस्तित्व जोगाउन अभुतपुर्ब सहास बटुलेर पत्नि सहित ७०० किलोमिटर यात्रा तय गरि आफ्नो घर फर्केका छन ।

२७ मार्चमा रोहतकबाट हिंडेका उनी ४ दिन पछि ३१ मार्चमा गोण्डा जिल्ला पुगे । उनले यात्रा थालेको हरियाणाको रोहतकबाट बलरामपुरसम्को सडकमार्गको दूरी झन्डै ७०० किलोमिटर छ।

राघोरामले यतिलामो बाटो कहिल्यै साइकल चलाएका थिएनन्। गाउँबाट कहिलेकाहीँ मात्र बलरामपुरसम्म जाने गर्थे । कोरोनाभाइरसले उनको मनमा यति त्रास उत्पन्न गरिदियो कि त्यही डरले त्यति लामो बाटो तय गर्ने शक्ति आएको उनले बताए ।

यात्र सुरु गर्दा उनीसंग जम्मा १२० रुपैंयाँ मात्र थियो । त्यति थोरै पैसा भए पनि उनले ७०० किलो मिटरको यात्रा ५ दिनमा आफ्नि श्रीमती सहित पुरा गरे ।