हामी सबैकाे संसारन्यूज

२५ चैत्र, काठमाडौँ । राष्ट्रिय परीक्षा बोर्डले कक्षा ११ र १२ को वार्षिक परीक्षा स्थगित गरेको छ ।

परीक्षा बोर्डको आजको बैठकले सो निर्णय गरेको हो । कक्षा १२ को परीक्षा आगामी वैशाख ८ गतेबाट र कक्षा ११ को परीक्षा वैशाख २१ गतेबाट सञ्चालन गर्नेगरी परीक्षा तालिका गत माघ ७ गते नै सार्वजनिक गरिएको थियो ।

बोर्डद्वारा जारी सूचनामा अर्को सूचना सार्वजनिक नहुँदासम्मको लागि परीक्षा स्थगित गरिएको जनाइएको छ ।

बोर्डका अध्यक्ष प्रा डा चन्द्रमणि पौडेलले कोभिड १९ को संक्रमणको जोखिम बढेको असहज स्थितिमा परीक्षा सञ्चालन गर्न सम्भव नभएकाले स्थगित गर्नुपरेको जानकारी दिए । उनले ‘अवस्था सामान्य भइसकेपछि नयाँ सूचना सार्वजनिक हुने’ बताए ।

यसअघि नै प्रवेशिका (एसईई) परीक्षासमेत स्थगित भइसकेको छ ।