हामी सबैकाे संसारन्यूज

२५ चैत्र, काठमाडौँ । नेपाल कम्युनिष्ट पार्टी(नेकपा)को सचिवालय बैठक बसिरहेको छ । प्रधानमन्त्रीको प्रेस सल्लाहकार सुर्य थापाका अनुसार भौतिक उपस्थिति सहितको सामाजिक दुरीका साथ नेकपाको सचिवालय बैठक बालुवाटारमा शुरू भएको छ ।

बैठकमा प्रधानमन्त्री तथा पार्टी अध्यक्ष केपी शर्मा ओलीले सरकारका तर्फबाट कोभिड १९ अथवा कोरोना भाइरसको विश्वव्यापी संक्रमण, रोकथाम र उपचारको क्रममा चालिएका कदम र उपलब्धिहरूको बारेमा बैठकलाई जानकारी गराउने उनले जानकारी दिए ।

यस्तै, स्वास्थ्य तथा खाद्यन्न सामाग्री आपूर्तिका साथै आज बिहानको प्रधानमन्त्रीको सम्बोधनका विषयमा पनि छलफल हुने बुझिएको छ ।

बैठकमा यस विपत्तिमा पार्टी र पार्टीपंक्तिले गरेका कार्य सम्पादनको समिक्षा र आगामी रणनीतिसहित स्वास्थ्य मन्त्रालयले चीनबाट ल्याएका स्वास्थ्य सामाग्रीमा आएका टिकाटिप्पणी बारे पनि बैठकमा छलफल हुने बताइएको छ ।