हामी सबैकाे संसारन्यूज

२७ चैत, काठमाण्डौं । कोभिड-१९ का कारण खाडी क्षेत्रमा ५० लाख श्रमिकले रोजगारी गुमाउने अन्तराष्ट्रिय श्रम संगठनले जनाएको छ । यसको असर त्यहाँ रहेका कम्पनीहरुले नेपाली कामदारलाई बेतलबी विदा दिन थालेका छन् ।

संयुक्त अरब इमिरेट्स (युएई) मा मुख्य कार्यालय रहेको क्रेभिया रेष्टुरेण्टले मार्च २७ मा आफ्ना कामदारका लागि सूचना जारी गर्यो । क्रेभियाले कोरोना भाइरस संक्रमण रोक्न चालिएको कदमबाट आफ्नो कम्पनीको आर्थिक अवस्थामा ठूलो असर परेको भन्दै अप्रिल १ देखि जुलाई ३१ सम्मका लागि कामदारलाइर्ए बेतलवी बिदामा राख्ने नीति लिएको जनायो ।
यो कम्पनीमा झण्डै २ सय ५० जना नेपाली काम गर्छन् । कम्पनीको युएई, साउदी अरब, कुवेत र बहराइनमा ब्रान्च रेष्टुरेण्टहरु छन् । यसका सबै रेष्टुरेण्टहरु अहिले बन्द रहेका ठूल्ठूला मलहरुमा छन् ।

यो कम्पनीमा ८० हजार देखि २ लाख रुपैयाँ तलब पाउने नेपाली छन् । ‘कम्पनीले हजार देखि ७ हजार ५ सय दिराम तलब खाने र ५ हजार दिराममुनि तलब खानेका लागि फरक फरक नीति लिएको छ । ५ हजार दिराममाथि तलब खाने ५० प्रतिशत र ५ हजार दिराम भन्दा कम तलब खाने २५ प्रतिशतलाई बेतलवी विदामा राख्ने नीति लिएको छ,’ एक नेपाली कामदारले भने, ‘ अब सबैले काम निरन्तर पाउने अवस्था छैन । अब आलोपालो अनुसार काममा जाने र बेतलवी विदामा बस्ने अवस्था आएको छ ।’

त्यस्तै अन्य कम्पनी, रेष्टुरेण्ट लगायतका उद्योग क्षेत्रले पनि यसरी नै कामदारलाई बेतलवी विदामा राख्ने वा घर पठाउने नीति लिएका छन् ।

अन्तराष्ट्रिय श्रम संगठन आइएलओको मंगलबार जारी प्रतिवेदन अनुसार ५० लाख कामदारको रोजगारी गुम्न सक्नेछ । जसमा बढी जसो मध्यम आम्दानी गर्ने खालका कामदारको पूर्ण रोजगारी गुम्न सक्नेछ । विहिबारको कान्तिपुर दैनिकबाट