हामी सबैकाे संसारन्यूज

२७ चैत, अमेरिका । अमेरिकामा बसेर वकालत गर्दै आएका अधिवक्ता खगेन्द्र क्षेत्री छैटौं पटक पनि सुपर लयर बन्न सफल भएका छन् ।

न्युर्योकको म्यानहाटनमा मुख्य कार्यालय रहेको क्षेत्री एसोसियट्सका अध्यक्ष रहेका गुल्मीका क्षेत्री २०१४ देखि निरन्तर सुपर लयर बन्न सफल व्यक्तित्व बनेका छन् ।

सन् १९८७ देखि अमेरिकामा बार लाइसेन्स प्राप्त गरेका अधिवक्ता क्षेत्रीलाई वकिलहरुको रेटिङ गर्ने संस्था लयरसले छैटौ पटक पनि सुपर लयरमा छनौट गरेको हो ।

इमिग्रेशन लगायतका विषयमा कानुनी सेवा दिँदै आएका क्षेत्रीले फोर्डधाम युनिभसिंटीबाट जेडि गरेका छन् । उनले अमेरिकामा रहेका नेपालीहरुलाई समेत कानुनी सेवा दिँदै आएका छन् । आफू छैटौं वर्ष पनि सुपर लयर बन्न सफल भएकोमा सेवाग्राही, कर्मचारी, आफन्त, शुभचिन्तक तथा साथी भाइहरुलाई धन्यवाद दिएका छन् ।

न्युजर्शीमा बस्दै आएका अधिवक्ता क्षेत्री, एनआरएनए अभियानमा विशेष गरेर नागरिकता सम्बन्धी मुद्दामा लागिपरेका व्यक्तित्व हुन् । क्षेत्री एनआरएनए एनसीसी अमेरिकाका पूर्वअध्यक्ष तथा जनसम्पर्क समित अमेरिकाका पूर्व संयोजक समेत हुन् ।