Sansar News
२७ चैत, काठमाडौँ । इंल्याण्ड क्रिकेट टिमका अलराउण्डर बेन स्टोक्स २०१९ को विजडन क्रिकेटर अफ द ईयर बनेका छन । उनले भारतीय क्रिकेट टिमका कप्तान विराट कोहलीलाई पछि पारेका छन ।
विराट कोहली २०१६, २०१७ र २०१८ मा लगातार विजडन क्रिकेटर अफ द ईयर बनेका थिए । १५ बर्ष पछि इंल्याण्डका खेलाडी विजडन क्रिकेटर अफ द ईयर बन्न सफल भएका छन ।
वेन स्टोक्सले २०१९ मा इंल्याण्डले विश्वकप जित्दा महत्वपूर्ण भुमिका निभाएका थिए । वेन स्टोक्सले २०१९ मा टेस्ट क्रिकेटमा ८२१ रन बनाएका थिए भने एकदिवसीय क्रिकेटमा ७१९ रन बनाएका थिए ।
महिला तर्फ अष्ट्रेलियाकी एलिसा पैरी विजडन क्रिकेटर अफ द ईयर बन्न सफल भएकी छिन । पैरीले २०१९ मा अष्ट्रेलिया र इंल्याण्ड बिचको सीरीज सर्वाधिक विकेट लिएकी थिइन ।
वि.सं.२०७६ चैत २७ बिहीवार ०९:४० मा प्रकाशित
