हामी सबैकाे संसारन्यूज

२७ चैत्र, काठमाडौँ । लामो लकडाउनका कारण खाना समेत नपाएकालाई सम्बोधन गर्दै एक मन्त्रीले आफ्नो फोन नम्बर नै सार्वजनिक गरेका छन् ।

“दैनिक ज्याला मजदुरी गर्नेको र असहायको चुलो नबले सम्बन्धित वडा अध्यक्षलाई र पालिका प्रमुखलाई, त्यहाँबाट समाधान नभए प्रमुख जिल्ला अधिकारी(सिडिओ) र त्यहाँबाट पनि समाधान नभए प्रदेश सरकारको आपूर्ति तथा अनुगमन समितिलाई फोन गर्नु होला । अन्तिममा हुँदै नभए मेरो मोबाइल ९८५६०२७६२१ मा फोन गर्नु होला, कसैलाई भोकै रहन दिइने छैन ।”

लम्बिँदो लकडाउनले पारेको समस्याका बारे आफैलाई सम्पर्क गर्नुस् भन्ने मन्त्री गण्डकी प्रदेश सरकारका वरिष्ठ मन्त्री हुन् । कानुन न्याय तथा आन्तरिक मामिला(गृह) सम्हालेका मन्त्री हरि चुमानले सार्वजनिक सञ्जालमै फोन नम्बर दिएर आफ्नो जनमैत्री संस्कृति सम्प्रेषण गरेका छन् ।