हामी सबैकाे संसारन्यूज

२७ चैत, बेलायत । विश्वभरी महामारीका रुपमा फैलिएको कोरोना संक्रमणका कारण बेलायतका नेपाली समुदायमाथि एक माथि अर्को पीडा थपिदै गएको छ ।

मंगलबार बेलुका पर्वतका चेत प्रसाद गुरुङको कोरोना संक्रमणको कारण मृत्यु भएको पीडा सेलाउन नपाउँदै बुधबार पर्वतकै ५६ वर्षीय मेख बहादुर गुरुङको पनि कोरोना संक्रमणका कारण मृत्यु भएको समाचार छ ।

पर्वतको महाशिला गाउँपालिका अन्तर्गत भोक्सिङ देउराली घर भएका गुरुङ बेलायतको ननिटन क्षेत्रमा श्रीमतीसहित बस्दै आएका आएका थिए ।

उनको मृत्यु कोरोना संक्रमणका कारण भएको अस्पतालले पुष्टि गरेको पर्वत वेलफेयर सोसाइटीका अध्यक्ष नेत्र आलेले संसारन्युजलाई जानकारी दिएका छन् ।

बेलायतमा आइसोलेसनमा बसेका सोलुका श्रेष्ठको पनि मृत्यु

कोरोना संक्रमणको आशंकामा आइसोलसनमा बसेका गुरुङलाई समस्या बढ्दै गएपछि अस्पताल भर्ना गरिएको थियो । उनको उपचारकै क्रममा मृत्यु भएको पनि आलेले बताएका छन् ।

बेलायतमा अहिलेसम्म कोरोना संक्रमणको कारण ४ नेपालीको मृत्यु भएको समाचार संसारन्युजलाई प्राप्त भएको छ । जसमा चारैजना भुतपूर्व गोर्खा सैनिक रहेका छन् ।

बेलायतमा फेरि एक नेपालीको मृत्यु, जसले सचेतना बाँड्दै आयो उसैलाई लग्यो कोरोनाले

यसअघि लीला बहादुर राई, चितवनका प्रशान्त अर्याल, पर्वतका चेत प्रसाद गुरुङको पनि कोरोनाकै कारण मृत्यु भएको छ । साथै बुधबारै सोलुखुम्बुका शिव श्रेष्ठको पनि मृत्यु भएको छ ।

कोरोना संक्रमणको आशंकामा घरमै आइसोलेनमा बसेका उनलाई व्यथाले च्यापेपछि बुधबार विहान अस्पताल भनौ गरिएको थियो भने बेलुका मृत्यु भएको थियो । यद्यपी उनको कोरोना संक्रमणका कारण मृत्यु भएको पुष्टि भएको छैन ।