हामी सबैकाे संसारन्यूज

२८ चैत्र, काठमाडौँ । नोबेल कोरोना भाइरस अर्थात् (कोभिड १९) को प्रभाव विश्वका प्राय सबै देशमा परेको छ ।

चीनको हुवेईको वुहान सिटीबाट सुरु भै इटाली, स्पेन र अमेरीकालाई थला पार्दै यो विश्वका २०९ देश पुगिसकेको छ ।

सन् २०२० अप्रिल १० बिहान ७.५० बजेसम्मको प्राप्त समाचार अनुसार संसारका १६ लाख ३ हजार ७ सय १९ मानिसमा कोरोना भाइरस सल्केको छ भने मृत्युको संख्या ९५,७२२ पुगेको छ । निको भएर घर फर्किएकाहरु संख्याको ३५६,६५५ छ भने उपचाररत बिरामीको संख्या १,१५१,३४२ रहेको छ । जसमध्ये १,१०२,२१५ को अवस्था मध्यम छ भने ४९,१२७ को स्थिति गम्भिर रहेको छ ।

वल्र्डोमीटरका अनुसार अहिले सबैभन्दा बढी प्रभावित हुनेमा अहिले अमेरिका देखिन्छ ।  अमेरिकामा मात्रै प्रभावितको संख्या ४६८,५६६ पुगेको छ भने १६,६९१ को मृत्यु भएको छ । कोरोनाका कारण ज्यान गुमाउनेमा यसअघि स्पेन दोस्रो देश भएकोमा बिहिबार अमेरिकाले उछिनेको छ ।

कोरोना अपडेट : अमेरिकामा मृत्यु संख्या बढ्दो, इटालीमा घट्दो

मृत्युदरको हिसाबमा हेर्दा भने इटाली सबैभन्दा बढी प्रभावित देश बनेको छ, यद्यपी केही दिनदेखि मृत्युदर घटिरहेको छ । अहिलेसम्म १८ हजार २७९ जनाले ज्यान गुमाएका छन् । इटालीमा प्रभावितको संख्या १ लाख ४३ हजार २ सय २२ रहेको छ ।

कोरोना उत्पत्ति भएको देश चीनमा प्रभावितको संख्या ८१९०७ रहेको छ । बिहिबार ४२ नयाँ केश देखिएको छ भने १ जनाको मृत्यु भएको छ । चीनमा मृत्यु संख्या ३३३६ पुगेको छ ।

प्रभावका हिसाबले अमेरिका, स्पेन, इटाली, जर्मनी, फ्रान्स अनि चीन क्रमशः छन् भने मृत्यु संख्याको हिसाबले इटाली पहिलो, अमेरिका दोस्रो, स्पेन तेसो, फ्रान्स चौंथो, बेलायत पाचौँ, इरान छैठौं र चीन सातौँ क्षति व्यहोर्ने देशमा छन् ।

यस्तो छ कोरोना भाइरसको अपडेट तथ्याङ्क