हामी सबैकाे संसारन्यूज

२७ चैत्र, काठमाडौँ । संसार नै ‘लकडाउन’ गराएको नोबेल कोरोना भाइरस अर्थात् (कोभिड १९) को प्रभाव विश्वका प्राय सबै देशमा परेको छ ।
चीनको हुवेईको वुहान सिटीबाट सुरु भै इटाली, स्पेन र अमेरीकालाई थला पार्दै यो विश्वका २०९ देश पुगिसकेको छ । यतिबेला चीनको बुहान भने पूर्णरुपमा खुलेको छ ।

सन् २०२० अप्रिल ९ बिहान ७.५४ बजेसम्मको प्राप्त समाचार अनुसार संसारका १५ लाख १८ हजार ४ सय ७९ मानिसमा कोरोना भाइरस सल्केको छ भने मृत्युको संख्या ८८,४५८ पुगेको छ । निको भएर घर फर्किएकाहरु संख्याको ३३०,३९२ छ भने उपचाररत बिरामीको संख्या १,०९९,६२९ रहेको छ । जसमध्ये १,०५१,५५० को अवस्था मध्यम छ भने ४८,०७९ को स्थिति गम्भिर रहेको छ ।

वल्र्डोमीटरका अनुसार अहिले सबैभन्दा बढी प्रभावित हुनेमा अहिले अमेरिका देखिन्छ । अमेरिकामा मात्रै प्रभावितको संख्या ४३४,९२७ पुगेको छ भने १४,७८८ को मृत्यु भएको छ । अमेरिकामा बढ्दै गएको मृत्युदर हेर्दा स्पेनलाई जित्ने देखिन्छ । एकै दिनमा १९३४ जनाले ज्यान गुमाएको देखिन्छ ।

मृत्युदरको हिसाबमा हेर्दा भने इटाली सबैभन्दा बढी प्रभावित देश बनेको छ, यद्यपी केही दिनदेखि मृत्युदर घटिरहेको छ । अहिलेसम्म १७ हजार ६ सय ९९ जनाले ज्यान गुमाएका छन् एक दिनमा ५७३ जनाको मृत्यु भएको छ । इटालीमा प्रभावितको संख्या १ लाख ३९ हजार ४ सय २२ रहेको छ ।

कोरोना उत्पत्ति भएको देश चीनमा प्रभावितको संख्या ८१८६५ रहेको छ । बुधबार मात्र ६३ नयाँ केश देखिएको छ । चीनमा मृत्यु संख्या ३३३५ पुगेको छ, एकदिनमा मृत्यु संख्या पनि २ जना थपिएका छन् ।

प्रभावका हिसाबले अमेरिका, स्पेन, इटाली, जर्मनी, फ्रान्स अनि चीन क्रमशः छन् भने मृत्यु संख्याको हिसाबले इटाली पहिलो, स्पेन दोस्रो, अमेरिका तेसो, फ्रान्स चौंथो, बेलायत पाचौँ, इरान छैठौं र चीन सातौँ क्षति व्यहोर्ने देशमा छन् ।

यस्तो छ कोरोना भाइरसको अपडेट तथ्याङ्क :