हामी सबैकाे संसारन्यूज

१ बैशाख, काठमाण्डौं । नेपाल कम्युनिष्ट पार्टी (नेकपा) का अध्यक्ष तथा पूर्व प्रधानमन्त्री पुष्पकमल दाहाल ‘प्रचण्ड’ले कोरोना भाइरस विरुद्धको संघर्षमा नयाँ वर्ष २०७७ ले मानव जातिकै नयाँ अन्तराष्ट्रिय एकता र राष्ट्रिय एकताको आधार तय गर्ने विश्वास लिएको बताएका छन् ।

अध्यक्ष प्रचण्डले नयाँ वर्ष २०७७ को अवसरमा शुभकामना दिँदै भनेका छन्, ‘सबै जातीय समुदाय, राष्ट्रिय राज्य, धार्मिक समुदाय र वर्गीय समुदायमा समेत समानरुपले आक्रमण गरिरहेको कोरोना (कोभिड १९) भाइरस विरुद्धको संघर्षमा नयाँ वर्षले मानब जातिकै नयाँ अन्तराष्ट्रिय एकता र राष्ट्रिय एकताको आधार दिने विश्वास प्रकट गर्दछु ।’

त्यस्तै कोरोनाको रोकथाम र नियन्त्रणका लागि सरकारले अघि सारेका लकडाउन लगायतका नीति कार्यक्रमको कडाइपुर्वक पालना गर्न उच्च मनोबल, स्वअनुशासन र एकताको विजय प्राप्त गर्न विशेष अपिल गर्दै देश तथा विदेशमा रहने सम्पूर्ण नेपालीमा सु–स्वास्थ्य, शान्ति र समृद्धिको कामना समेत गरेका छन् ।