हामी सबैकाे संसारन्यूज

२ बैशाख, बेनी । म्याग्दीको रघुगंगा गाउँपालिका वडा नं ६ पाखापानीका वडाअध्यक्ष मनकुमार शेरपुजाको घरबाट प्रहरीले गोली बरामद गरेको छ ।
पाखापानीको कोटगाउँस्थित घरबाट आइतबार एक राउण्ड गोली बरामद गरिएको डीएसपी किरनजंग कुँवरले जानकारी दिएका छन् ।

‘शनिबार उहाँ (शेरपुजा) ले सामाजिक सन्जाल फेसबुकमा आफूसँग बुलेट भएको स्टाटस राखेपछि प्रहरीले छापा मार्दा गोली भेटिएको हो’ उनले भने, ‘कुन प्रकृतिको गोली हो र कुन स्रोतबाट आएको भन्ने विषयमा अनुसन्धान सुरु गरेका छौं ।’ उनले फरार रहेका शेरपुजाको खोजी जारी रहेको बताएका छन् ।

२०७४ को स्थानीय नियका निर्वाचनमा कांग्रेसबाट वडाअध्यक्ष निर्वाचित शेरपुजा चुनावताका कांग्रेस प्रवेश गरेको मंगलबारको अन्नपूर्ण पोष्ट दैनिकमा समाचार छ ।

त्यसअघि उनी मोहन बैद्य नेतृत्वको नेकपा माओवादी क्रान्तिकारीमा थिए ।

फाइल :फोटो