हामी सबैकाे संसारन्यूज

२ बैशाख, साउदी । नेपाली दूतावास साउदी अरबले साउदीमा रहेर स्वास्थ्य सम्बन्धी समस्या देखिएका नेपालीले, नेपाली चिकित्सकबाट परामर्श लिन सकिने बताएको छ ।
रुघाखोकी, ज्वरो, स्वास्थ्य सम्बन्धी समस्या भएमा नेपाली चिकित्सकबाट परामर्श लिन सकिने दूतावासले एक सूचनामार्फत् जानकारी गराएको छ ।

दूतावासले कोरोना भाइरसको संक्रमण विस्तारसँगै साउदीमा रहेका नेपाली दाजुभाइ दिदीबहिनीले आफ्नो स्वास्थ्यका बारेमा चासो राख्दै उल्लेखनीय संख्यामा टेलिफोन गरेको अवस्थामा दूतावासले यसरी देखाइएका स्वास्थ्य सम्बन्धी चासो सम्बोधन गर्नका लागि नेपाली चिकित्सक डा. अनिरुद्र पाठकले सहयोग गर्ने जानकारी दिएको हो ।
दूतावासले डा. पाठकलाई निम्न अनुसार सम्पर्क गरेर आफ्नो स्वास्थ्य सम्बन्धी परामर्श लिन अनुरोध गरेको छ ।

साउदीमा कोरोना संक्रमितको संख्या झण्डै पाँचहजार पुग्यो, ६५ जनाको मृत्यु

साउदीमा हालसम्म कोरोना भाइरस संक्रमितको संख्या ५ हजार ३६९ पुगेको छ । साउदी अधिकारीका अनुसार आजमात्रै ४३५ वटा संक्रमणका नयाँ केस देखिएका हुन् । साथै साउदीमा अहिलेसम्म ७३ जनाको मृत्यु भएको छ । आजमात्रै ८ जनाको मृत्यु भएको बताइएको छ ।

दूतावासले थप नेपालीमा संक्रमण नदेखिएको पनि बताएको छ ।

सम्पर्कः
डा. अनिरूद्र पाठक, जनरल फिजिसियन
ढाका मेडिकल सेन्टर, बथा, रियाद ।
टेलिफोन नम्वरः ०५४६३५६०२३
(यो नम्वरमा imo र WhatsApp पनि छ । तसर्थ आफ्नो समस्या लेखेर पठाउन पनि सकिने छ )
सम्पर्क समयः बिहान ११ बजेदेखि दिनको ३ बजेसम्म

(आकस्मिक अवस्था आएमा अन्य समयमा पनि फोन गर्न सकिने तथा imo र WhatsApp मा लेखि पठाउन सकिनेछ )