हामी सबैकाे संसारन्यूज

३ बैशाख, काठमाण्डौं । परिस्थितिले वा बाध्यताले पारेपछि सहनु बाहेकको विकल्प छैन । तर, अमेरिकी राष्ट्रपति डोनाल्ड ट्रम्पले अमेरिकी जनतामाथि अर्को तनाव थपिरहेका छन् ।

माटो र राष्ट्रका लागि अडान लिने उनको शैलीकै कारण उनी राष्ट्रपति पनि भए । तर जिद्धि, हठ र अराजक स्वभावले उनीसँग अहिले विश्वमात्र चिढिएको छैन, स्वयम् अमेरिकी जनतामा उनीप्रतिको मोह भंग हुँदै गएको छ ।

संसारकै स्वास्थ्य र मानवतामा समर्पित विश्व स्वास्थ्य संगठनमाथि उनले चाहिदो नचाहिँदो आरोप लगाउँदै आएका छन् । उनले विश्व स्वास्थ्य संगठनका महोनिर्देशक डा ट्रेडोस आधानोमलाई गर्नु नगर्नु गाली गरेका छन् । उनको बोली र प्रतिक्रियालाई आधार मान्दै डा. ट्रेडोसलाई ‘वुहानमा रोग छेक्न भन्दा चीनको इमेज रक्षागर्न लागेको शुरुमा प्रचार भयो । त्यसपछि डब्लुएचओको निर्देशन नमान्ने मनोविज्ञान संप्रेषण गरियो, जसका कारण अमेरिका झन ठूलो थलामा पर्यो । डब्लुएच ओ गाइडलाइन धेरै लत्याइए । डब्लुएचओमाथि तेस्रो प्रहार भयो । अब पैसा किन दिने ? यसपछि चौथो प्रहार भयो ‘दूध खुवाएर ढाडे विरालो पालिदैन ।’ आदि इत्यादी धेरै प्रहारहरु भए । मंगलबारसम्म आइपुग्दा त सहयोग रोक्ने चेतावनी प्रष्टै सम्प्रेषण भएको छ ।

उता चीनसँग चिढिने र अमेरिकासँग लहसिने विश्लेषक र पत्रकारहरुले कार्टुनिष्टहरु प्रयोग गरी महानिर्देशक ट्रेडोस चिनियाँ कम्युनिष्ट पार्टीको कार्यकर्ता भएको संप्रेषण गरेका छन् । फेब्रअरी ४ मै हङकङका ३१ वर्षीय युरीक चोले सार्वजनिक गरेको स्केच फोटोलाई अहिले अमेरिकी पक्षधरले फैलाएका छन् । फोटो अफ द डे, फोटो अफ द विक, फोटो अफ द मन्थ भन्दै डा ट्रेडोसले आँखामा सिपीसीको झण्डावाला पट्टी लगाएको र त्यसमाथि सर्जिकल चश्मा लगाएर बोलिरहेको फोटो निकै प्रचारमा ल्याइएको छ । ‘चीनले गरेको प्रयास र पादर्शिताबारे सहि बोलेको’ कारण ट्रम्प उत्तजेति भएको विश्लेषण पनि यतिबेला गरिएको छ ।

ताइवान न्युजले हङकङको स्केचलाई प्रचार गरेर शुरु गराइएको यो कच्चि खेलले अमेरिकालाई नै घाटा पुग्ने विश्लेषण पनि भइरहेका छन् । घमण्ड र उसको मनोवल गिराउन जे पनि बोल्ने ट्रम्पलाई विश्व मानव समुदायले राम्रो मानेका छैनन् । तस्बिर ऐजेन्सी