हामी सबैकाे संसारन्यूज

कोरोनाले अमेरिकिहरुलाई पारेको प्रभावलाई मध्य नजर गर्दै सरकारले प्रत्येक ब्यक्ती १२०० जोडीलाई २४०० र बच्चाको हकमा ५०० डलर उपलब्ध गराउने भन्ने घोषणा अनुरुप ट्याक्स फाइल गर्दाका बखत डाइरेक्ट पेयमेन्टका लागि बैंक खाता उपलब्ध गराएका ब्यक्तिहरुले बैंक एकाउण्टमा उक्त रकम प्राप्त गर्नुभएको छ ।

यदि ट्याक्स फाइल गर्दाका बखत बैंक खाता उपलब्ध नगराएका हरुका हकमा भने २ देखि ३ हप्तामा चेक मेलबाट प्राप्त गर्नुहुनेछ ।
तर जसले २०१८ मात्रै या २०१९ को पनि ट्याक्स फाइल गरिसक्नु भएको छ र तपाईंले सरकारलाई नै उल्टो कर बुझाउनु पर्ने छ भने डाइरेक्ट पेयमेन्टका निम्ती तपाईंको बैंक खाता उपलब्ध गराइएको छैन । तपाईंको ट्याक्स रकम तिर्न मात्र तपाईंको बैंक एकाउण्ट प्रयोग गरिएको हो । त्यैसैले त्यस्ता ब्यक्तिहरुले आज बैंक खातामा रकम देख्नु भएन र देख्नु पनि हुनेछैन । त्यो रकमको चेक २ देखि ३ हप्तामा घरमै आउनेछ ।

यदि उक्त रकम छिटो प्राप्त गर्न चाहनुहुन्छ भने लिंकमा क्लिक गरेर बैंक खाता उपलब्ध गराउन सक्नुहुनेछ ।