Sansar News
८ वैशाख, काठमाडौं । सत्तारुढ नेपाल कम्युनिस्ट पार्टी (नेकपा) को सचिवालय बैठक केहि बेरमा शुरु हुन गैरहेको बताइएको छ ।
प्रधानमन्त्री समेत रहेका नेकपाका अध्यक्ष केपी शर्मा ओलीले मन्त्री मन्त्रिपरिषद्को बैठक बोलाइ राजनीतिक दलसम्बन्धी कानूनमा संशोधन गर्न अध्यादेश ल्याउने निर्णय गराए लगतै आकस्मिक रुपमा सचिवालय बैठक बस्न लागेको हो ।
सचिवालयका बहुमत सदस्यहरुको माग बमोजिम बस्न लागेको सो बैठकले प्रधानमन्त्रीको कदम बारे असहमति जनाउने सम्भावना देखा परेको छ ।
प्रधानमन्त्रीले आफूलाई काम गर्न असहज भयो भनिरहेको स्थितिका बीच यो अभ्यास गरिँदा नेकपा यतिबेला गम्भिर मोडमा पुगेको आशंका गरिएको छ ।
तर ओलि निकट सुत्रका अनुसार नेकपा भित्रको विषयले नभै अन्य दलहरुको आवश्यकतामा सो अध्यादेश ल्याउने निर्णय गरिएको हो ।
वि.सं.२०७७ वैशाख ८ सोमवार १७:२६ मा प्रकाशित
