हामी सबैकाे संसारन्यूज

८ बैशाख, काठमाण्डौं । नेपालमा सोमबारसम्म ३३ हजार ५६२ जनामा कोरोना भाइरसको परीक्षण गरिएको छ । जसमा पिसीआर प्रविधिबाट ८ हजार १४ जनाको परीक्षण गरिएको छ । पछिल्लो २४ घण्टामा ३२४ जनाको परीक्षण गरिएको हो ।

त्यसैगरी र्यापिड डाइग्नोस्टीक प्रविधिबाट २५ हजार १४८ जनामा परीक्षण गरिएको छ । जसमा पछिल्लो २४ घण्टामा ३ हजार १९ जनामा परीक्षण गरिएको स्वास्थ्य मन्त्रालयले जानकारी दिएको छ । यी दुवै प्रविधिबाट जाँच गर्दा हालसम्म ३३ हजार ५६२ जनामा परीक्षण भएको हो ।

त्यसैगरी सातै प्रदेशमा गरिएको परीक्षणमा प्रदेश १ मा २ हजार ३४९, प्रदेश नम्बर २ मा ३ हजार २३८, बाग्मती प्रदेशमा ४ हजार ६७६, गण्डकी प्रदेशमा ३ हजार ७५१, प्रदेश ५ मा २ हजार ३२४, कर्णाली प्रदेशमा ३ हजार २३२ र सुदूरपश्चिम प्रदेशमा ५ हजार ५७८ जनामा र्यापिड टेष्ट गरिएको छ ।

स्वास्थ्य मन्त्रालयका अनुसार हालसम्म देशभरीका विभिन्न क्वारेन्टाइनमा ५ हजार ९३६ जना, आइसोलेसनमा १११ जना रहेका छन् । जसमा उपत्यकामा ४ र उपत्यकाबाहिर १०७ जना रहेका छन् । साथै रेडजोनमा २६३ जना रहेका छन् । उनीहरुको नमुना परीक्षण तथा कन्ट्रयाक ट्रेसिङको कार्य र स्थानीय निकायलाई जानकारी दिने काम भइरहेको पनि मन्त्रालयले जानकारी दिएको छ ।

त्यस्तै त्रिभुवन विश्वविद्यालय माइक्रो वायोलोजी केन्द्रीय विभाग किर्तिपुरबाट कर्णाली प्रदेश सरकारका लागि रियल टाइम पीसिआर मसिन उपलब्ध गराएको जानकारी समेत दिइएको छ ।

मन्त्रालयका अनुसार आइतबार उदयपुरमा १५२ जनामा पिसीआर प्रविधीबाट जाँच गरेको र उक्त नमुना हाल जनस्वास्थ्य प्रयोगशाला टेकुमा परीक्षण भइरहेको पनि बताईको छ ।

नेपालमा हालसम्म कोरोना संक्रमितको संख्या ३१ पुगेको छ । ३१ जनामा कैलाली, काठमाण्डौं र बाग्लुङका ३ जना संक्रमणबाट मुक्त भएर घर फर्किएका छन् ।

नेपालमा हालसम्म साढे २९ हजारमा कोरोना परीक्षण, ३१ जना संक्रमित, आइसोलेसनमा १०३ र रेडजोनमा २६० जना

यस्तो छ कोभिड १९ सम्बन्धमा स्वास्थ्य मन्त्रालयको आजको जानकारी(हेर्नुस् भिडियो)