Sansar News
नेपाल पत्रकार महासंघ कतार शाखाका अध्यक्ष करिम बक्स मियाले विगत केहि दिनदेखि आफूमा कोरोना भाइरसको संक्रमण देखिएको जानकारी गराएका छन् ।
हिजो ‘मेरो लागी दुआ गर्दिनु होला’ भनेर लेखेका उनले आज सामाजिक सञ्जाल फेसबुकमार्फत आफूमा कोरोना भाइरसको संक्रमण भएको र विगत केही दिनदेखि कतारको एक अस्पतालमा उपचार गराईरहेको जानकारी गराएका हुन् ।
आफ्नो स्वास्थ्यमा क्रमिक सुधार भैरहेको जानकारी दिँदै उनले भनेका छन् ‘सामान्यतया ज्वरो, खोकी तथा स्वासप्रस्वासमा देखिएको समस्यालाई निधान गर्ने हेतू उपचार चलीरहेको र सबैप्रक्रारका समस्याहरु क्रमिक घट्दै गईरहेको छ ।’
अहिले ज्वरो आउने क्रम रोकिएको तथा खोकी घट्दो अवस्थामा रहेको, स्वास लिने प्रकृयामा केहि प्रतिकुलता देखिएको भएपनि केहि दिनभित्रमा त्यसमा समेत लाभ हासील हुने कुरामा आफू विश्वस्त रहेको उल्लेख गरेका छन् ।
मेडिकल आइसोलेसनपश्चात केहिदिनमा सम्भवत न्युनतम १४ दिनको क्वारेन्टाइनमा बसाई रहने र त्यसपछी पूनः सामाजिक एवम् सार्वजनिक जीवनमा फर्किने समेत उनले बताएका छन् ।
आफ्नो स्वास्थ्यमा निरन्तर चासो लिइ रहनेप्रति कृतज्ञता व्यक्त गर्दै भनेका छन् ‘यस दौरान बिभिन्न माध्यमबाट मेरो बारेमा चिन्ता वा चाँसो लिनु हुने र निरन्तर मेरो स्वास्थ्य अवस्थाबारे जानकारी लिई रहनु हुने नेपाली नियोग परिवार, बिभिन्न संघ संस्थाका समकक्षी मित्रहरु, मेरा आफन्त, इष्टमित्रहरुमा हार्दिक कृतज्ञता प्रकट गर्न चाहन्छु ।’
वि.सं.२०७७ वैशाख ८ सोमवार २०:४५ मा प्रकाशित
