हामी सबैकाे संसारन्यूज

९ बैशाख, जर्मनी । जर्मनीमा एक नेपालीको मृत्यु भएको छ । बाग्लुङको गल्कोट घर भइ ३२ वर्षदेखि जर्मनीमा बस्दै आएका लाल बहादुर केसीको मृत्यु भएको हो ।

जर्मनीको म्युनिखमा बसोबास गर्दै आएका केसीको हृदघातका कारण मृत्यु भएको एनआरएनए जर्मनीका अध्यक्ष हरि न्यौपानेल बताएका छन् ।

न्यौपानेले केसीको असामयिक निधनले मर्माहत बनाएको भन्दै यस दुःखद घडीमा उनको पार्थिब शरीरको दाहसंस्कार लगायतका सहयोग रकम जुटाउन सबैलाई अनुरोध समेत गरेका छन् ।

अध्यक्ष न्यौपानेले केसीकी श्रीमती क्यान्सर रोगसँग संघर्ष गरिरहेको यस्तो अवस्थामा सबैको सहयोग र सहानुभुति आवस्यक रहेको बताउँदै सहयोग गर्न इच्छुक महानुभावलेLCC Bayern baden württemberg अध्यक्ष खड्ग न्यौपाने, हिमालयन परिवार म्युनिखका अध्यक्ष श्रीमती शारदा शर्मा र आर्थिक सहयोग संकलनका लागि खटिएका कृष्ण ढकाल, दीपक खत्री, राजेश के सी, प्रताप प्रधान, कृष्ण रिजाल र पदम के सीलाई सम्पर्क गर्न समेत अनुरोध गरेका छन् ।