हामी सबैकाे संसारन्यूज

९ बैशाख, काठमाण्डौं । नेपालमा हाल (बैशाख ९) सम्म ३६ हजार ७१९ जनामा कोरोना भाइरस कोभिड १९ को परीक्षण गरिएको छ । जसमा १ जना नयाँ संक्रमित थपिएका छन् । उदयपुरबाट ल्याइएको नमुना परीक्षणका क्रममा ३३ वर्षीय पुरुषमा संक्रमण पुष्टि भएको हो । अन्यको नमुना टेकुस्थित जनस्वास्थ्य प्रयोगशाला र धरानस्थित वीपी कोइराला स्वास्थ्य विज्ञान प्रतिष्ठान परीक्षणको क्रममा रहेको छ ।

हालसम्म परीक्षण गरिएकामा पिसीआर प्रविधिबाट ८ हजार ७६३ ( गत२४ घण्टामा ३३३ जनामा पिसीआर नमुना परीक्षण गरिएको हो । साथै र्यापिड डाइग्नोस्टीकबाट २७ हजार ९५६ जनामा परीक्षण गरिएको स्वास्थ्य तथा जनसंख्या मन्त्रालयले मंगलबार आयोजित पत्रकार सम्मेलनमा जानकारी दिएको छ । (गत २४ घण्टामा २ हजार ८०८ जनामा र्यापिड परीक्षण गरिएको हो ।) दुवै प्रविधिबाट हालसम्म कूल ३६ हजार ७१९ जनामा परीक्षण गरिएको हो ।

त्यस्तै हालसम्म प्रदेश १ मा २ हजार ६२०, प्रदेश २ मा ३ हजार ५९८, बाग्मती प्रदेशमा ५ हजार १५७ गण्डकी प्रदेश ४ हजार १८३, प्रदेश नम्बर ५ मा २ हजार ४८३ कर्णाली प्रदेशमा ३ हजार ७३८ र सुदूरपश्चिम प्रदेशमा ६ हजार १७७ जनामा परीक्षण गरिएको रिर्पोट आएको पनि स्वास्थ्य मन्त्रालयले जनाएको छ ।

हालसम्म देशभरीका विभिन्न क्वारेन्टाइनमा ७ हजार ६७ जना रहेका छन् । यो संख्या हिजोको तुलनामा झण्डै १५ सय बढेको हो ।
त्यसैगरी हालसम्म आइसोलेनमा १०७ जना रहेका छन् । उनीहरुमा उपत्यकामा ६ जना र उपत्यका बाहिर १०१ जना रहेका छन् ।
त्यस्तै रेडजोनमा (जो व्यक्ति संभावित संक्रमित हुन सक्छन् । उनीहरुलाई ज्वरो, खोकी तथा बाहिरको यात्राबाट आएका) २६७ जना रहेका छन् ।

गत हप्ता वीरगन्जमा भेटिएका संक्रमितको ट्रेसिङका क्रममा वीरगन्जमा २२१ जना र उदयपुरमा ३२० जनाको पिसीआर नमुना लिइएको छ ।

नेपालमा सोमबारसम्म साढे ३३ हजारमा कोरोना परीक्षण, आइसोलेशनमा १११ र रेडजोनमा २६३ जना