हामी सबैकाे संसारन्यूज

१० बैशाख काठमाण्डौं । कोरोना संक्रमणबाट निको भयर घर फर्कनेको संख्या ७ पुगेको छ । आज (बुधबार) पनि टेकु अस्पतालमा उपचाररत ३२ वर्षीय र सेती प्रादेशिक अस्पतालमा उपचाररत ४० वर्षीय पुरुष निको भएर डिस्चार्ज भएका छन् ।

यसअघि बैशाख ९ गते (मंगलबार) धनगढी उपमहानगरपालिका ५ का ३४ वर्षीय पुरुष निको भएर फर्किएका छन् । चैत ११ गते दुवईबाट आएका उनी चैत १४ गते सेती प्रादेशिक अस्पतालमा भर्ना भएका थिए । ५ पटकसम्मको परीक्षणमा अन्तिम २ पटक नेगेटिभ आएपछि उनी मंगलबार डिस्चार्ज भएका हुन् ।

कोरोना संक्रमणबाट मुक्त भएर अस्पतालबाट डिस्चार्ज हुँदै गर्दा यसरी खुसी व्यक्त गरेका थिए यी दुईले

त्यस्तै बैशाख ७ गते सेती प्रादेशिक अस्प्तालमा उपचार गरिएका धनगढी लम्कीचुहा नगरपालिका वडा नं ९ प्रतापपुरका २१ वर्षीय युवा निको भएर घर फर्किएकाथिए । उनी चैत २२ गते अस्पतालमा भर्ना भएका थिए भने बैशाख ७ गते डिस्चार्ज भएर घर फर्किएका हुन् । उनी मुम्बईबाट आएका थिए । उनी १४ दिन क्वारेन्टाइन र १५ दिन आइसोलेसनमा उपचार गराएका हुन् ।

त्यस्तै फ्रान्सबाट आएकी काठमाण्डौंकी १९ वर्षीया युवती बैशाख ६ गते टेकु अस्पतालबाट डिस्चार्ज भएर घर फर्केकी हुन् । सोहि दिन बेलुका बेल्जियममा छोरी भेटेर फर्किएकी बाग्लुङकी ६५ वर्षीया वृद्धा पनि बाग्लुङको धौलागिरी अस्पतालबाट डिस्चार्ज भएकी थिइन् ।

कोरोना भाइरसलाई जितेर फर्किए शाही

त्यसैगरी नेपालमा पहिलो संक्रमित देखिएका चीनबाट आएका एक विद्यार्थी पनि निको भएर आफ्नो दैनिकीमा फर्किइसकेका छन् ।

फोटो ऐजेन्सी