हामी सबैकाे संसारन्यूज

“बन्दाबन्दी खुले लगत्तै पर्यटन क्षेत्रका १८ सय जनालाई रोजगारी दिने तयारी भैरहेको जानकारी दिएका छन । ८०० जनालाई बोर्डले रोजगारी दिने छ भने १ हजारलाई यूएनडिपिले दिने छ ।

१८ वैशाख, काठमाडौं । नेपाल पर्यटन बोर्डका प्रमुख कार्यकारी अधिकृत (सिईओ) धनञ्जय रेग्मीले पर्यटनक्षेत्र उकास्नका लागि करिब २० अर्बको राहात प्याकेजको जरुरी रहेको बताएका छन ।

विश्वव्यापी माहामारीको रुपमा फैलिएको कोरोना भाइरसबाट सबै भन्दा बढी प्रभावित भएको क्षेत्र पर्यटन क्षेत्र नै रहेको भन्दै उनले सो रकम बराबरको राहातको आबस्यकता रहेको बताएका हुन ।

उनले चालु आर्थिक बर्षमा पर्यटन क्षेत्रमा ठूलो लगानी भएको र तत्काल उक्सिन नसक्ने भएकाले सरकारले १ बर्षसम्म ब्याज र किस्ता तिर्न नपर्ने व्यवस्था गर्नु पर्ने अबस्था रहेको बताएका छन । त्यस्तै किस्तको अबधि पनि ३ वर्षसम्म लम्ब्याउनु पर्नेमा उनको जोड छ ।

मुलुक नयाँ बजेटको सन्निकट रहेको बताउँदै उनले बजेटले सबै कुराको सम्बोधन गर्ने विश्वास ब्यक्त गरे ।

देशमा जारी रहेको बन्दाबन्दी खुले लगत्तै पर्यटन क्षेत्रका १८ सय जनालाई रोजगारी दिने तयारी भैरहेको जानकारी दिएका छन । ८०० जनालाई बोर्डले रोजगारी दिने छ भने १ हजारलाई यूएनडिपिले दिने छ ।

अहिलेसम्म पर्यटन क्षेत्रको तथ्याङ्क नभएको भन्दै उनले तथ्याङ्क संकलन गर्ने जानकारी दिए । आन्तरिक पर्यटकको संख्या बढउनु पर्ने त्यसका लागि सरकारले तलबि बिदा दिनु पर्ने उनको भनाई छ ।

कोरोना भाइरको माहामारीको कारण पर्यटन क्षेत्रमा लागेका ५ लाख मानिस प्रत्यक्ष र करिब २० लाख मानिस अप्रत्यक्ष प्रभावित भएको हुनसक्ने उनको भनाई छ ।