हामी सबैकाे संसारन्यूज

१८ बैशाख, काठमाण्डौं । स्वास्थ्य तथा जनसंख्या मन्त्रालयले नवजात शिशुलाई स्तनपान गराउँदा कोरोना नसर्ने जानकारी दिएको छ ।

स्वास्थ्य मन्त्रालयद्धारा विहिबार जारी नियमित पत्रकार सम्मेलनमा विभिन्न क्वारेन्टाइनमा रहेका वा कोरोना भाइरस संक्रमण भेटिएका महिलाले शिशुलाई दूध खुवाउँदा कोरोना सर्ने कुरा बाहिर आएको बताउँदै मन्त्रालयले अहिलेसम्मको अध्ययनमा संक्रमित आमाले स्तनपान गराउदा कोरोना नसर्ने जानकारी दिएको हो ।

त्यसैगरी शिशुलाई स्तनपान गराउनु अघि यदि आमालाई ज्वरो, खोकीलगायतका समस्या रहेको छ भने त्यस्ता महिलाले शिशुलाई स्तनपान गराउनु भन्दा पहिले २० सेकेण्डसम्म साबुन पानीले राम्रोसँग हात धुने, माक्स लगाउने तथा आमालाई बढी समस्या भएको छ भने दूध निकालेर कपमा राखेर पनि खुवाउन सकिने मन्त्रालयले जानकारी दिएको छ ।

त्यसैगरी यस सम्बन्धमा अन्य जानकारी चाहिएमा मन्त्रालयको हटलाइन नम्बर ११३३ र १११५ मा सम्पर्क गरेर लिन सकिने पनि मन्त्रालयले अनुरोध गरेको छ । साथै त्यस्ता व्यक्तिहरुले अन्य समय भन्दा क्वारेन्टाइनमा रहदाको समयमा सरसफाईमा बढी ध्यान दिनुपर्ने पनि बताएको छ ।