हामी सबैकाे संसारन्यूज

४ जेठ, काठमाण्डौं । नेपाल प्रहरी, नेपाली सेना, र सशस्त्र प्ररही तर्फका गरी नौ जनामा कोरोना संक्रमण पुष्टि भएको छ । संक्रमण पुष्टि भएकामध्ये एकजना नेपाली सेनाका उच्च तहका व्यक्ति छन् ।

शनिबार स्वास्थ्य मन्त्रालयले सार्वजनिक गरेको विवरण अनुसार काभ्रे घर भई मध्यपूर्वी पृतना महोत्तरीमा कार्यरत २६ र ५२ वर्षीय सैनिकमा कोरोना संक्रमण पुष्टि भएको हो । संक्रमण देखिएका दुवै पुरुष हुन् । उनीहरु मध्ये एकजना उच्च पदस्थ सैनिक अधिकृत रहेको जनाइएको आइतबारको राजधानी दैनिकमा समाचार छ ।

यसैगरी नेपाल प्रहरीतर्फ तीनजनामा संक्रमण पुष्टि भएको प्रहरी प्रवक्ता निरज बहादुर साहीले बताएका छन् ।  प्रहरीतर्फ कपिलवस्तुमा कार्यरत नेपाल प्रहरीका सई, हवलदार र जिल्ला प्रहरी कर्यालयमा कार्यरत एक जवान रहेका छन् ।

यसैगरी सशस्त्र प्रहरीतर्फ पनि तीनजनामा संक्रमण देखिएको छ । काठमाण्डौंमा २ जना र कपिलवस्तुमा १ जनामा संक्रमण देखिएको शसस्त्र प्रहरीका डिआइजी प्रवीण कुमार श्रेष्ठले जानकारी दिएका छन् ।