हामी सबैकाे संसारन्यूज

४ जेठ, काठमाण्डौं । कोरोना रोकथाम तथा नियन्त्रण उच्चस्तरीय समितिले कोरोना संक्रमण रोकथामका लागि लकडाउन लम्ब्याउनुको विकल्प नरहेको सुझाव सरकारलाई दिएको छ ।

आइतबार बसेको उच्चस्तरीय समितिको बैठकले सरकारलाई लकडाउन लम्ब्याउने सुझाव दिएको हो । सोको निर्णय आजै बस्ने मन्त्रिपरिषद्को बैठकले गर्नेछ । मन्त्रिपरिषद्को बैठकले सम्भवत एकसाता लकडाउन थप गर्ने र कडा बनाउने निर्णय गर्ने बताइएको छ ।

नेपालमा बैशाख तेश्रो सातादेखि कोरोना संक्रमितहरु बढ्दै जान थालेको र २ जनाको मृत्यु समेत भइसकेको अवस्थामा यस क्षेत्रका विज्ञहरुले विपन्न वर्गहरुका लागि विशेष राहतका कार्यक्रमहरु अझ प्रभावकारी बनाउँदै लकडाउनमा अझ कडाई गर्नुपर्ने सुझाएका छन् भने केहीले लकडाउन गरेर मात्र नहुने पिसीआर प्रविधिबाट जाँचको दायरा व्यापक बनाउनुपर्ने समेत बताउँदै आएका छन् ।

सरकारले पछिल्लोपटक थपेको लकडाउनको अवधि आज पूरा हुँदैछ । नेपालमा फ्रान्सबाट आएकी युवतीमा कोरोना संक्रमण पुष्टि भएपछि चैत ११ देखि लकडाउन गरिएको थियो । ती युवती नेपालमा कोरोना संक्रमण पुष्टि भएकी देश्रो संक्रमित हुन् ।