हामी सबैकाे संसारन्यूज

५ जेठ, काठमाण्डौं । सैनिक पोशाकको दुरुपयोग भएको पाइएपछि नेपाली सेनाले उपत्यकामा चेकजाँच तथा निगरानी बढाएको छ ।

सैनिक व्यक्तिहरुको हिँडडुल माथि निगरानी तथा सैनिक पोशाकको दुरुपयोग हुन नदिने उद्देश्यका साथ नेपाली सेनाले उपत्यकाका विभिन्न स्थानहरुमा चेकजाच सञ्चालन गरेको जानकारी दिएको छ ।

सेनाले आइतबारदेखि उपत्यका भित्रका विभिन्न स्थानहरुमा ट्राफिक प्रहरीसँगको समन्वयमा सैनिक सवारी साधन र सैनिक पोशाक लगाउने सैनिक व्यक्तिहरुको चेकजाँच गरिएको बताएको छ ।

सोहि चेकजाँचको क्रममा दोलखा घर भई हाल बाँसबारीमा होटल व्यवसाय गर्दै आएका गैरसैनिक व्यक्ति सुसील खड्काले सैनिक पोशाकमा लगाई सवारी साधन प्रयोग गरिएको अवस्थामा भेटिएका थिए ।

सैनिक पोशाक लगाएक खड्कालाई बाँसबारीतर्फ जाने क्रममा सोधपुछ गर्दा आफू गैरसैनिक भएको बताएका थिए । सोहि घटनालाई अनुसन्धान गर्दा ती व्यक्ति नेपाली सेनाको सैन्य आधार तालिममा रहँदा २०६८ सालमा भगौडा परेको पाइएपछि सैनिक प्रहरी गणमा निगरानीमा राखी आवश्यक कारवाही अघि बढाएको समेत बताएको छ ।