हामी सबैकाे संसारन्यूज

७ बैशाख, रोल्पा । जिल्ला अस्पताल रोल्पाको आइसोलेसनमा उपचारका क्रममा मृत्यु भएका २२ वर्षीय युवकको कोरोना परीक्षणमा नेगेटिभ आएको छ ।

जिल्ला अस्पताल रोल्पाका अनुसार प्रदेश ५ को राप्ति बिज्ञान स्वास्थ्य प्रतिष्ठानमा गरिएको नमुना परीक्षणमा उनको रिर्पोट नेगेटिभ आएको हो ।

रोल्पा नगरपालिक-१ सानो लिवाङका २२ वर्षीय युवकको सोमबार बेलुका मृत्यु भएको थियो । लामो समयदेखि दुवै मिर्गौलामा समस्या आइर डाइलोसीस गराउँदै आएका युवाको जिल्ला अस्पताल रोल्पाको आइसोलेसनमै मृत्यु भएको थियो ।

टिचिङ अस्पताल काठमाण्डौंमा डाइलिसोस गरेर आइतबार राति घर पुगेका उनलाई सोहि दिननै स्थानीयको आग्रहमा कोरोना परीक्षणका लागि जिल्ला अस्पतालमा लगिएको थियो ।

स्वास्थ्यमा गम्भीर समस्या देखिएका उनको र्यापिड टेष्टमा नेगेटिभ देखिएको थियो । पछि अस्पतालले पिसीआर प्रविधिबाट उनको श्वास संकलन गरेर राप्ति अस्पतालमा परीक्षणको लागि पठाइएको थियो । उक्त रिर्पोटमा कोरोना नेगेटिभ देखिएको अस्पतालले जानकारी दिएको छ । त्यस्तै अस्पतालमा उनीसँगै उपचाररत अन्य ३ जनाको रिर्पोट आउन बाँकी रहेको बताइएको छ ।

जिल्ला अस्पताल रोल्पाको आइसोलेसनमा एक युवाको मृत्यु