हामी सबैकाे संसारन्यूज

१४ जेठ, काठमाण्डौं । नेपाली दूतावास बहराइनले नेपाल जान चाहेको भनेर फारम भर्नेहरुका लागि सूचना जारी गरेको छ ।

कोरोना भाइरस कोभिड-१९ का कारण समस्यामा परेका नेपालीको समस्या समाधानका लागि दूतावासद्धारा जारी गरिएको फारम भर्ने क्रममा कतिपय नेपालीले फारम भरेको तर उनीहरुले दिएको फोन नम्बरमा फोन गर्दा सम्पर्क हुन नसकेको भन्दै दूतावासले दूतावासका कर्मचारी र दूतावासमा फोन गरेर यथाशिघ्र जानकारी गराउन आग्रह गरिएको छ ।

‘दूतावासले जारी गरेको निम्न लिंकमार्फत् सार्वजनिक गरेकोमा सोको आधारमा तत्काल नेपाल जानुपर्ने भनि फारम भरिएको तर सो फारम भर्दा उपलब्ध भएका कतिपय मोबाइल नम्बरमा सम्पर्क हुन नसकेको । नेपाल तत्काल जानुपर्ने भनेको तर राजदूतावासबाट सम्पर्क हुन नसकिएकाले तपसिल बमोजिमको ठेगानामा यथाशिघ्र सम्पर्क गरि जानकारी गराउनु हुन अनुरोध छ ।’ दूतावासद्धारा जारी सूचनामा भनिएको छ ।

दूतावासका अनुसार दूतावासको टेलिफोन नम्बर १७७२-५५८३, श्रम सहकारी दामोदर दाहाल ३२०९५०४१, शकिल अहमद शेख ३५४२७७१७ र गोपि विक्रम भट्टराईको ३५५४७९५१ निम्न नम्बरमा सम्पर्क गर्न आग्रह गरेको छ ।