१५ जेठ, काठमाडौँ । कोरोना भाइरसको संक्रमणबाट ललितपुरमा एक जनाको मृत्यु भएको छ ।
ललितपुर स्वास्थ्य कार्यालयका प्रमुख डा. खगेश्र्वर गेलालले ललितपुर बंगमतीका ५६ वर्षीय पुरुषको मृत्यु भएको भनेर पुष्टि गरेका हुन । मृत्यु भएका व्यक्ति कलेजोका बिरामी थिए ।
उनको निधन बुधबार साँझ किष्ट अस्पतालमा भएको हो । उनी जेठ ११ गते अस्पताल भर्ना भएका थिए भने उनको स्वाब जेठ १२ गते परीक्षणका लागि पठाइएको थियो । उनको शब कार्यविधिअनुसार व्यावस्थापन गरिने छ भनेर ललितपुर स्वास्थ्य प्रमुख डा खगेश्र्वर गेलालले भनेका छन ।
त्यसैगरी नेपालमा कोरोना भाइरसको संक्रमणबाट मृत्यु हुनेको संख्या ५ पुगेको छ ।
वि.सं.२०७७ जेठ १५ बिहीवार ०६:३६ मा प्रकाशित
