हामी सबैकाे संसारन्यूज

२१ जेठ, काठमाण्डौं । नेपालमा कोरोना संक्रमणबाट बुधबार १ जनाको मृत्यु भएको छ । मृत्यु हुनेका दोलखाका ७६ वर्षीय पुरुष रहेका छन् ।

स्टोक भएर जेठ १३ गते काठमाण्डौं मेडिकल कलेज सिनामंगलमा भर्ना भएर अप्रेसन गरिएका उनमा जेठ १५ गते कोरोना संक्रमण भएको पुष्टि भएको थियो ।

उनको थप उपचारका लागि टिचिङ अस्पताल महाराजगन्जमा आइसीयुमा राखेर उपचार गरिएको थियो । उनको आज मृत्यु भएको स्वास्थ्य मन्त्रालयले पुष्टि गरेको छ ।

उनीसँगै नेपालमा कोरोना संक्रमणबाट मृत्यु हुनेको संख्या ९ पुगेको छ । यसअघि, ललितपुर, दैलेख, बाँके, गुल्मी, बाजुरा, अर्घाखाँची, विरगन्ज र सिन्धुपाल्चोककी सुत्केरी महिलाको कोरोना संक्रमणबाट मृत्यु भएको पुष्टि भएको थियो । उनीहरुमा मृत्युहुनेमा ७ पुरुष, १ बालिका र एक महिला रहेका छन् ।