Sansar News
२२ जेठ, काठमाण्डौं । नेपालमा कोरोना संक्रमणबाट एक व्यक्तिको मृत्यु भएको पुष्टि भएको छ ।
स्वास्थ्य मन्त्रालयका अनुसार विहिबार संक्रमणबाट मृत्यु भएको पुष्टि भएकामा पाल्पा पूर्वखोला गाउँपालिका सिलवाका ४५ वर्षीय पुरुष रहेका छन् ।
उनी ५ दिन अगाडि भारतबाट आएर स्थानीय क्वारेन्टिनमा बसेका थिए । श्वास प्रश्वासमा समस्या भएपछि तीनदिन अगाडि मिशन अस्पताल पाल्पामा भर्ना भएका उनको २० जेठमा मृत्यु भएको थियो ।
थ्रोट श्वाव संकलन गरेर गरिएको पिसीआर परीक्षणमा उनको मृत्यु कोरोना संक्रमणबाट भएको पुष्टि भएको मन्त्रालयले जानकारी दिएको छ । यो संगै नेपालमा कोरोना संक्रमणबाट मृत्यु हुनेको संख्या १० पुगेको छ ।
वि.सं.२०७७ जेठ २२ बिहीवार १७:०४ मा प्रकाशित
