हामी सबैकाे संसारन्यूज

२८ जेठ, काठमाण्डौं । नेपालमा आजपनि कोरोना संक्रमणबाट ९० जना मुक्त भएका छन् । पछिल्लो २४ घण्टामा निको भएकामा ८८ जना पुरुष र २ महिला रहेका छन् ।

स्वास्थ्य मन्त्रालयले बुधबार दिएको जानकारी अनुसार आज कोशी अस्पताल विराटनगरबाट १ महिला र ५ पुरुष गरी ६ जना, कोभिड १९ युनिफाइड अस्पताल बलम्बुबाट १ महिला, कर्णाली स्वास्थ्य विज्ञान प्रतिष्ठानबाट जुम्लाका १८ जना पुरुष र विपी कोइराला स्वास्थ्य विज्ञान प्रतिष्ठान धरानबाट १ पुरुष डिस्चार्ज भएका हुन् ।

त्यस्तै कोभिड १९ अस्पताल जनकपुरबाट ३७ जना पुरुष, महेन्द्र गेनाइ आइसोलेसन सिराहाबाट २० जना पुरुष र कोरोना अस्पताल बेलझण्डी दाङबाट ७ जना पुरुष गरी पछिल्लो २४ घण्टामा जम्मा ९० जना निको भएर घर फर्किएका हुन् । नेपालमा हालसम्म कोरोना संक्रमित भएका ४ हजार ३६४ मध्ये ६७४ जना निको भएर घर फर्किएका हुन् ।

आज ९६ जना कोरोना संक्रमणबाट मुक्त, डिस्चार्ज हुनेको संख्या ५८४ पुग्यो