हामी सबैकाे संसारन्यूज

१२ असार, काठमाडौं । काठमाडौं महानगरपालिकाले आर्थिक वर्ष २०७७/७८को आर्थिक विधेयकमार्फत भवनको मुल्यांकन दर निर्धारण गरेको छ । महानगरले भवनको बनावटको आधारमा भवनको मुल्यांकन दर कायम गरेको हो ।

महानगरले घरको बनौटको आधारमा मूल्यांकन फरक–फरक कायम गरेको छ । जहाँ काँचो माटोले बनेको घरको फरक र आरसीसी घरको फरक मुल्यांकन हुनेछ ।

महानगरले तोके अनुसार काँचो माटोले बनाएको घरलाई प्रति वर्गफीट १ हजार ५ सय छ भने आर.सी.सी. फ्रेम स्ट्रक्चर भवनलाई प्रति वर्गफीट २ हजार ६ सय छ । यसरी मूल्यांकन गर्दा काँचो माटोले बनाएको ३ हजार वर्गफिटमा निर्माण भएको घरको मूल्याकंन ४५ लाख रुपैयाँ हुन आउँछ भने त्यति नै क्षेत्रफलमा बनाइएको आर.सी.सी.को मूल्यांकन ७८ लाख रुपैयाँ आउनेछ ।

महानगरले भित्रबाहिर इट्टा भएको घर र प्रि फ्याब भवन तथा गोदाम भवनलाई प्रति वर्गफीट १ हजार ८ सय तोकेको छ । त्यस्तै महानगरले सिमेन्टले बनाएको इट्टा प्रयोग गरिएको घरलाई प्रति वर्गफीट २ हजार ३ सय र स्टील स्ट्रक्चर (ट्रस) भवनलाई प्रति वर्गफीट २ हजार ४ सय तोकेको छ ।

यस्तो छ मूल्यांकन दर