हामी सबैकाे संसारन्यूज

बेलारुसका राष्ट्रपति अलेक्ज्याण्डर लुकाशेन्को आफ्नै अभिव्यक्तिका कारण यतिबेला जनता आक्रोशित छन् । उनका विरुद्ध मानिसहरु सडकमा उत्रिएका छन् ।

उनको भनाइ र कोरोनाप्रति लापरवाहीले जनतामा असन्तुष्टि देखिएको हो । उनले  भोडका पिउँदा, ट्याक्टर चलाउँदा र स्टीम बाथले कोरोना नलाग्ने प्रतिक्रिया दिएका थिए ।’ राष्ट्रपतिको भनाईमा आएर मानिसहरूले पनि मास्क, पीपीई किटहरू डाक्टर तथा अन्य स्टाफलाई दान गरे । उनले कोरोना भाइरसप्रति गरेको लापरवाहीका विरुद्धमा जनता सडकमा उत्रिएनन् मात्र राष्ट्रपतिको विकल्पसमेत खोजेका छन् ।

व्यक्तिहरू अब ब्ल्गर सेर्गेई टिखानोव्स्कीलाई राष्ट्रपति बनाउन चाहन्छन् । लुकेशेन्कोको नीतिको विरोधमा प्रदर्शनकारीहरुसँगै सहभागी सर्गेईले राष्ट्रपतिलाई बच्चाहरूका कविता पात्रहरूको रुपमा व्यङ्ग्य गर्दै ‘कक्रोच’ भने । यसपछि, कारमा ठूलो स्लीपर राखेर विरोध गरियो ।
उनले तिखो प्रहार गर्दै भने ‘कक्रोेचहरूलाइ चप्पलले मार्नुपर्छ ।’ तर उनलाई पक्राउ गरी जेल पठाइयो । अब व्यक्तिहरू उनलाई राष्ट्रपति पदको उम्मेदवार बनाउन चाहन्छन् । उनी भन्छन् ‘जब छिमेकी देश युक्रेनमा हाँस्य कलाकार बन्न सक्छ, हामीकहाँ ब्लगर राष्ट्रपति किन हुन सक्दैनन ।’

उनले भनेका छन् ‘लुकाशेन्को जनतालाई भ्रमपार्ने कुराको घोषणा र विपक्षीहरुलाई दबाउनमा माहिर छन् । उनीहरु चुनावमा अयोग्य ठहरिन्छन्, जो हारने जोखिममा छन् । ओपिनियन पोल र मेडिया पनि प्रतिबन्धित छन् । तर अब व्यक्तिहरू उहाँ विरुद्ध सडकमा उत्रिएका छन् र स्लीपर क्रान्तिसँगै ब्लगरमा ‘कक्रोच’ राष्ट्रपतिको विकल्प देख्न सकिन्छ ।’

राष्ट्रपतिको भनाईलाई त्यहाका अन्य नेताहरुले गैरजिम्मेवार अभिव्यक्ति भन्दै आलोचना गर्ने गरेका छन् । अहिलेसम्म बेलारुसमा ६० हजार बढी संक्रमित भएका छन् भने ४१४४८ जना निको भएर घर फर्किएसकेका छन् । ३६७ जनाको मृत्यु भएको छ ।

राष्ट्रपति अलेक्ज्याण्डर लुकाशेन्क सन् १९९४ देखि राष्ट्रपति छन् । लुकाशेन्कोले रसियाको सहयोग र चुनावी प्रतिज्ञाहरूको आधारमा चुनाव जितेका थिए ।

(एजेन्सी)