Sansar News
१८ असार, काठमाण्डौं । नेपालमा आज कोरोना संक्रमणबाट एक शिशुको मृत्यु भएको पुष्टि भएको छ ।
स्वास्थ्य मन्त्रालयका अनुसार आज मृत्यु भएको पुष्टी भएकोमा धौलागिरी नगरपालिका वडा नं ४ म्याग्दी घर भई त्रिवि शिक्षण अस्पताल (टिचिङ) मा उपचाररत एक शिशुको बुधबार (असार १७ गते) साँझ ४ बजे उपचारका क्रममा मृत्यु भएको हो ।
असार ९ गते उक्त अस्पतालमा उपचारका लागि भर्ना गरिएका उनको लामो समयदेखि स्वास्थ्यमा समस्या देखिएकाले भेन्टिलेटरमा राखेर उपचार गरिएको थियो । उनको पहिलोचरणको डाइलोसिस समेत भएको मन्त्रालयले जानकारी दिएको छ ।
संक्रमणबाट ती शिशुको मृत्यु भएसँगै नेपालमा कोरोना संक्रमणबाट मृत्यु हुनेको संख्या ३१ पुगेको छ ।
कोरोना संक्रमणबाट आज १ जनाको मृत्यु भएको पुष्टि, मृतकको संख्या ३० पुग्यो
वि.सं.२०७७ असार १८ बिहीवार १७:२७ मा प्रकाशित
