हामी सबैकाे संसारन्यूज

काठमाडौं । सांसद र पार्टीको साधारण सदस्यबाट निष्काशनमा परेकी सरिता गिरीले सर्वोच्च अदालतमा रिट दायर गरेकी छन्। उनले जनता समाजवादी पार्टी र सरकारविरुद्ध रिट दायर गराएकी हुन्।

पार्टीको कारबाहीसँगै सांसदबाट निलम्बनमा परेकी उनले आइतबार सर्वौच्चमा रिट दायर गरेकी हुन् । गिरीले रिटमा सांसद र पार्टीबाट निष्काशन गर्ने निर्णय अवैधानिक भएको जिकीर गरेकी छिन् ।

लिम्पियाधुरासहितको भूभाग समेट्ने गरी भएको संविधान संशोधन प्रस्तावलाई सच्याउनुपर्ने भन्दै संशोधन प्रस्ताव दर्ता गरेकी उनलाई जनता समाजवादी पार्टीले पार्टीको साधारण सदस्यसमेत नहुने गरि निष्काशन गरेको थियो । उनलाई पार्टीको निर्देशन विपरित संशोधन दर्ता गराइएको भन्दै निष्काशनको निर्णय गरिएको थियो ।

उनले नक्सा संशोधन छिमेकी मुलुक भारत र चीनसँग सोधेर मात्रै गर्नुपर्ने बताउँदै आएकी थिइन् । कालापानी, लिपुलेक र लिम्पियाधुरा नेपालको नक्सामा समेटिएपछि पनि उनले उक्त निर्णयविरुद्व अभिव्यक्ति दिँदै आएकी थिइन् ।