Sansar News
२ साउन काठमाण्डौं । नेपालमा आज एकजना कोरोना संक्रमितको मृत्यु भएको पुष्टि भएको छ । वीपी कोइराला स्वास्थ्य विज्ञान प्रतिष्ठान धरानमा उपचाररत सप्तरी राजविराज नगरपालिका वडा नं १ का ७३ वर्षीय वृद्धको मृत्यु भएको हो ।
स्वास्थ्य तथा जनसंख्या मन्त्रालयका अनुसार उनी डाइविटिज तथा मुटुको दिर्घरोगी थिए । साथै यसअघि मुटुमा २ पटक स्टेन समेत राखिएको थियो ।
असार ३१ गते खोकी ज्वरो र स्वावस प्रश्वासमा समस्या भएर विपी कोइराला स्वास्थ्य विज्ञान प्रतिष्ठान धरानको इमरजेन्सीमा भर्ना भइ उपचाररत थिए । उनको श्वाव संकलन गरेर परीक्षण गर्दा उनमा कोरोना संक्रमण पुष्टि भएको थियो ।
स्वास्थ्य अवस्था जटिल भएका कारण भेन्टिलेटरमा राखेर उपचार गरिएका उनको साउन १ गते राति सवा दश बजे मृत्यु भएको हो ।
उनीसँगै नेपालमा संक्रमणबाट मृत्यु हुनेको संख्या ४० पुगेको छ ।
कोरोना संक्रमणबाट मृत्यु भएका दाइको दाहसंस्कार गरेर फर्किएका युवाको पनि संक्रमणबाट मृत्यु
वि.सं.२०७७ साउन २ शुक्रवार १७:१४ मा प्रकाशित
