हामी सबैकाे संसारन्यूज

३१ असार, काठमाण्डौँ । नेपालमा कोरोनाबाट थप एकको मृत्यु भएको पुष्टि भएको छ । यो सँगै नेपाण्लमा कोरोनाबाट मृत्यु हुनेको संख्या ३९ पुगेको छ ।

स्वास्थ्य मन्त्रालयले दिएको जानकारी अनुसार रौतहट पर्रोहा नगरपालिका वडा नं ७ का ३६ वर्षीय एक पुरुषको कोरोनाका कारण आज (असार ३१ गते) उपचारका क्रममा मृत्यु भएको हो ।

कोरोना संक्रमणबाट मृत्यु भएका दाजुको अन्तिम संस्कारका लागि भारतको बेंग्लोर पुगेका उनी असार २४ गते नेपाल फर्किएपछि स्थानीय क्वारेन्टाइनमा बसेका थिए ।

असार २९ गते रुघाखोकी ज्वरो र श्वास प्रश्वासमा समस्या देखिएपछि सोहि दिन नारायणी अस्पताल वीरगन्जको आइसीयुमा भर्ना गरेर उपचार गरिएको र सोहिदिन नमुना संक्रलन गरी हेटौडाको प्रयोगशालामा परक्षिण गर्दा असार ३१ गते कोरोना संक्रमण पुष्टि भएको थियो ।

स्वास्थ्यमा थप समस्या आएपछि आज बिहान भेन्टिलेटरमा राखेर उपचार गरिएका उनको दिउँसो २ः३० मा मृत्यु भएको हो ।

रुघाखोकी र स्वासप्रश्वासमा समस्या देखिएपछि २९ गते वीरगञ्जको नारायणी अस्पताल भर्ना भएका थिए । उनलाई बुधबार बिहानै भेन्टिलेटरमा राखेर उपचार थालिएको थियो । आइसियुमा भर्ना भएर उपचार भैरहेका उनमा आजै कोरोना देखिएको थियो ।