Logo
११ असार २०७९, शनिबार
     Sat Jun 25 2022
E-paper
  English Edition
   Unicode
Logo

शनिबार छुट्टाछुट्टै सवारी दुर्घटनामा परी १२ जनाको मृत्यु



४ साउन, काठमाडौं । शनिबार देशका विभिन्न स्थानमा भएका छुट्टाछुट्टै सवारी दुर्घटनामा परी १२ जनाको मृत्यु भएको छ । प्रहरी प्रधान कार्यालयले सो जानकारी दिएको हो ।

काठमाडौं : महानगरपालिका-४ सुकेधारास्थित सडकमा बा.७४ प ६८६१ नम्बरको मोटरसाइकल र प्रदेश नम्बर ३-०२-००३ प ४१५० नम्बरको स्कुटर एक आपसमा ठोक्किएर शनिबार साँझ दुर्घटना हुँदामोटरसाइकल चालक सुर्खेत बीरेन्द्रनगर नगरपालिका-१२ घर भएका ३० वर्षीय प्रेमराज पौडेलको मृत्यु भएको छ । मोटरसाइकल र स्कुटर ठोक्किँदा मोटरसाइकल चालक पौडेल उछिट्टिएरअर्को गाडीमा ठोक्किएर गम्भीर घाइते भएकोमा ओम अस्पताल चावहिलमा उपचारको क्रममा उनको मृत्यु भएको हो । तीनवटै सवारी साधन र स्कुटर चालकलाई प्रहरीले नियन्त्रणमा लिएको छ ।

प्युठान : स्वर्गद्वारी नगरपालिका-३ रुमालेस्थित सडकमा स्वर्गद्वारी धरमपानीबाट भिंगृतर्फ जाँदै गरेको लु.२ त ४२३४ नम्बरको ट्याक्टर सडकबाट अन्दाजी ५ सय मिटर तल खसेर गएराति दुर्घटना हुँदा ट्याक्टर चालक रोल्पा त्रिवेणी गाउँपालिका घर भएका २५ वर्षीय कमल कुँवर लगायत ट्याक्टरमा सवार ७ जनाको घटनास्थलमै मृत्यु भएको छ ।

सप्तरी : हनुमाननगरकंकालनी नगरपालिका- १ कंकालनी मन्दिरस्थित सडकमा स.१ प २९४८ नम्बरको मोटरसाइकलको ठक्करबाट पैदलयात्री सुनसरी कप्तानगंज गाउँपालिका-२ बस्ने ६५ वर्षीया वुधनी देवी रामको शनिबार दिउँसो मृत्यु भएको छ । दुर्घटनामा गम्भीर घाइते भएकी उनको नोवेल अस्पताल विराटनगरमा उपचारको क्रममा मृत्यु भएको हो । मोटरसाइकल र चालकलाई प्रहरीले नियन्त्रणमा लिएको छ ।
मकवानपुर :  भिमफेदीगाउँपालिका-१ खोप्लाङस्थित सडकमा ना.६२ प ९७१५ नम्बरको मोटरसाइकल आफै अनियन्त्रित भई शनिबार साँझ दुर्घटना हुँदा चालक हेटौंडा उपमहानगरपालिका-३ बस्ने २७ वर्षीय दिपेश पाण्डेको मृत्यु भएको छ । दुर्घटनामा गम्भीर घाइते भएका उनको हेटौंडा अस्पतालमाउपचारको क्रममा मृत्यु भएको हो ।

अर्घाखाँची :  सितगंगा नगरपालिका-३ ठाँडा रिपाहास्थित सडकमा काठमाडौंबाट सन्धिखर्कतर्फ जाँदै गरेको बा.१५ च २७०६ नम्बरको स्कारपिओ गाडी सडकबाट अन्दाजी ५ सय मिटर तल खसेर शनिबार साँझ दुर्घटना हुँदा गाडीमा सवार पाल्पा रैनादेवी गाउँपालिका-८ बस्ने ३८ वर्षीय पाण्डव छहारीको मृत्यु भएको छ । दुर्घटनामा गम्भीर घाइते भएका उनको प्राथमिक स्वास्थ्य चौकी ठाडामा उपचारको क्रममा मृत्यु भएको हो । साथै दुर्घटनामा घाइते भएका गाडीका चालक काभ्रे पाँचखाल नगरपालिका-१३ बस्ने २३ वर्षीय लिला तामाङको सोही स्वास्थ्य चौकी हुँदै थप उपचारको लागि प्रादेशिक अस्पताल बुटवलतर्फ पठाइएको छ ।

झापा : कमल गाउँपालिका- ३ केर्खास्थित सडकमा मे.१० प ९८२६ नम्बरको मोटरसाइकले सडकमा उभिएको राँगालाई ठक्कर दिई शनिबार राति दुर्घटना हुँदा चालक झापा गाउँपालिका-६ शरणामती बस्ने २७ वर्षीय प्रदिप लम्सालको मृत्यु भएको छ । दुर्घटनामा गम्भीर घाइते भएका उनको लाईफ लाईन अस्पताल दमकमा उपचारको क्रममा मृत्यु भएको छ ।  दुर्घटनामा घाइते भएका मोटरसाइकलमा सवार झापा गाउँपालिका- ६ बस्ने २६ वर्षीय धर्मेन्द्र सुवेदीको सोही अस्पतालमा उपचार भइरहेको छ ।

दुर्घटनाका सम्बन्धमा स्थानीय प्रहरीले थप अनुसन्धान गरिरहेको बताएको छ ।


यो खबर पढेर तपाईलाई कस्तो महसुस भयो ?

कास्की । गएरातिदेखि परेको अविरल वर्षाका कारण पोखरा महानगरपालिका-२५ हेम्जाका ३०० भन्दाबढी घर डुबानमा

मनहरी तिमिल्सिना । शुक्रबार एक सार्वजनिक कार्यक्रममा पूर्वप्रधानमन्त्री एवं नेकपा एमालेका अध्यक्ष केपी शर्मा

लुम्बिनी । बुटवल उपमहानगरपालिकाले आर्थिक वर्ष २०७९÷०८० का लागि रु दुई अर्ब ३५ करोडको

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ को छोरा प्रकाश दाहालको ककनीमा