हामी सबैकाे संसारन्यूज

४ साउन काठमाण्डौं । नेपालमा आज १५६ जनामा कोरोना संक्रमण पुष्टि भएको छ । आज सबैभन्दा बढी सप्तरीमा ३२, सर्लाहीमा २५ जना, कैलालीमा २४, बर्दियामा १० र नवलपरासीमा १० जनासंक्रमित भेटिएका छन् ।

स्वास्थ्य तथा जनसंख्या मन्त्रालयका अनुसार आज कोशी अस्पताल विराटनगरमा गरिएको परीक्षणमा सुनसरीका १ जना, गजेन्द्र नारायण सिंह अस्पताल राजविराजमा गरिएको परीक्षणमा सप्तरीका ३२ र सिरहाका १ जना, नारायणी अस्पताल वीरगन्जमा गरिएको परीक्षणमा पर्साका ७, बाराका १ जनामा संक्रमण पुष्टि भएको छ ।

त्यसैगरी राष्ट्रिय जनस्वास्थ्य प्रयोगशाला टेकुमा गरिएको परीक्षणमा सर्लाहीका २३ जना, शुक्रराज छ«पिकल तथा सरुवा रोग अस्पताल टेकुमा गरिएको परीक्षणमा काठमाण्डौंका १, ललितपुरका २, मोरङका १ जना, किटजन्य रोग अनुसन्धान तथा तालिम केन्द्र हेटौडामा सर्लाहीका २, रौतहटका २ र मकवानपुरका १ जनामा संक्रमण पुष्टि भएको छ ।

पोखरा स्वास्थ्य विज्ञान प्रतिष्ठानमा गरिएको परीक्षणमा कास्कीका ६ र लम्जुङका ६ जना, प्रादेशिक जनस्वास्थ्य प्रयोगशाला पोखरामा गरिएको परीक्षणमा बाग्लङका १, म्याग्दीका ६, स्याङजाका २, पर्वतका १ जना, प्रादेशिक जनस्वास्थ्य प्रयोगशाला रुपन्देहीमा गरिएको परीक्षणमा रुपन्देशीका २ र प्युठानका १ जनामा जनामा संक्रमण पुष्टि भएको छ ।

भेरी अस्पताल नेपालगन्जको प्रयोगशालामा गरिएको परिक्षणमा बाँकेका ५, बर्दियाका १०, दाङका ५ जना, लुम्बिनी प्रादेशिक अस्पताल बुटवलमा गरिएको परीक्षणमा नवलपरासीका १० जना, सुर्खेत प्रादेशिक अस्पताल सुर्खेतमा गरिएको परीक्षणमा सल्यानका १ जना, डडेल्धुरा अस्पतालको प्रयोगशालामा गरिएको परीक्षणमा डडेल्धुराका २ जना, सेति प्रादेशिक अस्पताल धनगढीमा गरिएको परीक्षणमा कैलालीका २४ जनागरी जम्मा १५६ जनामा संक्रमण पुष्टि भएको छ । आज थपिएका १५६ जनासँगै नेपालमा कोरोना संक्रमितको कूल संख्या १७ हजार ६५८ पुगेको छ ।

नेपालमा घट्दैछ कोरोना संक्रमितको संख्या आज जम्मा ५७ जनामा संक्रमण भएको पुष्टि