Sansar News
काठमाडौं । सरकारले मंगलबार रातीदेखि कायम हुने गरि १२० दिन लामो लकडाउन अन्त्यको घोषणा गरेको छ । सोमबार बसेको मन्त्रिपरिषदको बैठकले साउन ६ को मध्यरातदेखि लकडाउन अन्त्य गरेको हो ।
मन्त्रिपरिषद्को निर्णय सार्वजनिक गर्न मंगलबार आयोजित पत्रकार सम्मेलनमा सरकारका प्रवक्ता डा। युवराज खतिवडाले गत ११ चैतदेखि जारी लकडाउन मंगलबार राति १२ बजेदेखि अन्त्य हुने बताएका हुन् । कोरोन भाइरस ९कोभिड–१९०को संक्रमण रोकथाम तथा नियन्त्रणका लागि सरकारले चैत ११ गतेदेखि लकडाउन गरेको थियो ।
लकडाउन अन्त्य भएपनि सरकारले केहि क्षेत्रमा भने प्रतिबन्ध कायमै रहने जनाएको छ । सरकारले सुरक्षाको हिसाबले जोखिमपूर्णं क्षेत्रमा प्रतिबन्ध कायमै रहने जनाएको हो ।
जनाएअनुसार होटल तथा रेष्टुरेन्टहरुमा आगामी साउन १५ सम्म प्रतिबन्ध कायम हुनेछ भने यातायात क्षेत्र भदौ १ देखि खुला हुनेछ । त्यसैगरि अन्तराष्ट्रिय खेलका प्रशिक्षण र प्रारम्भिक खेलका कार्यक्रमहरु भदौ १ बाट गर्न पाईनेछ ।
विद्यालय खोलेर पठनपाठन भने तत्कालै नहुने भएको छ । भदौ १ गतेबाट विद्यार्थी भर्ना र परीक्षाका कार्यक्रम गर्न छुट दिएपनि पठनपाठन भने तत्कालै सूचारु नहुने भएको हो ।
यी हुन् प्रतिबन्ध कायमै रहेका क्षेत्र
सरकारले शैक्षिक गतिविधिका केहि कुरामा छुट दिएपनि पठनपाठन सञ्चालन गर्न, ट्युसन सेन्ट सञ्चालन गर्न र तालीम केन्द्रहरु खोल्न प्रतिबन्ध रहने जनाएको छ । यसैगरि सभा गोष्ठी गर्न प्रदर्शन भेला र सम्मेलन गर्न प्रतिबन्ध पनि कायमै रहेको जनाएको छ ।
त्यसैगरि सिनेमा हल र डान्स बारलगायतका मनोरञ्जन स्थल पनि खोल्न नपाईने जनाइएको छ । सैलुन, व्यूटी पार्लर, जिमखाना, हेल्थ क्लब, समूहमा खेलिने खेल, धार्मिक स्थलहरु, पुस्तकालय, संग्राहलयहरु र चिडिया खाना पनि तत्कालै खोल्न पाईने छैन् । जोखिमलाई मुल्यांकन गर्दै यसबारे थप पछि निर्णय गर्ने जनाइएको छ ।
वि.सं.२०७७ साउन ६ मंगलवार २०:३६ मा प्रकाशित
