Sansar News
७ साउन, काठमाडौँ । त्रिभुवन विश्वविद्यालयले आफ्ना मातहतका सबै क्याम्पस÷कार्यालयहरु सूचारु गर्न निर्देशन दिँदै सूचना जारी गरेको छ ।
भित्रुवन विश्वविद्यालय रजिष्टारको कार्यालयले विश्वव्यापी रुपमा फैलिएको कोरोना भाइरस(कोभिड १९) को नियन्त्रणका लागि सरकारले २०७६ चैत्र ११ गतेदेखि देभर लगाइएको लकडाउनका कारण त्रिवि क्याम्यसका शिक्षकहरुलाई दिइएको सार्वजनिक बिदा २०७७ साउन ७ गतेदेखि लकडाउन हटाएसँगै आफ्ना मातहतका सबै क्याम्पसहरु सूचारु गर्न निर्देशन दिएको हो ।
उक्त सूचनामा लकडाउन अवधिभरमा शिक्षकहरुलाई दिइँदै आएको सार्वजनिक बिदा समाप्त भएको र विद्यार्थीहरुको नियमित पठनपाठन, पुस्तकालय सञ्चालन बाहेक अन्य कार्यहरु नियमित गर्न भनिएको छ ।
क्याम्पस तथा कार्यालयहरु सञ्चालन गर्दा सरकारले जारी गरेको स्वास्थ्य सुरक्षा निर्देशिकालाई अबलम्बन गर्नुपर्ने बताइएको छ ।
वि.सं.२०७७ साउन ७ बुधवार ०९:२९ मा प्रकाशित
