हामी सबैकाे संसारन्यूज

७ साउन,काठमाडौं । प्रहरी प्रधान कार्यालयले मंगलबार र बुधबार बिहानसम्म देशका विभिन्न ठाउँमा नौ जनाको मृत शरीर भेटिएको जानकारी दिएको छ । त्यसमध्ये ५ जनाको पहिचान खुल्न नसकेको बताइएको छ ।

कास्की: पोखरा महानगरपालिका-१९ अकला मन्दिरस्थित भेटिखोला किनारामा सोही महानगरपालिका-१६ कुरेचौर बस्ने ४८ वर्षीय बिष्णु आचार्य मंगलबार दिउँसो मृत अवस्थामा फेला परेका छन् ।

गोरखा: भिमसेन थापा गाउँपालिका-३ शिशवघारीस्थित बुढीगण्डकी नदीको किनारमा हाल नाम, थर, वतन, उमेर नखुलेका पुरुष मंगलबार दिउँसो मृत अवस्थामा फेला परेका छन् ।

बर्दिया: गेरुवा गाउँपालिका-१ माधवपुरस्थित गेरुवा कर्णाली नदीको दोभानमा हाल नाम, थर वतन, उमेर नखुलेकी महिला मंगलबार दिउँसो मृत अवस्थामा फेला परेकी छन् ।

जाजरकोट: भेरी नगरपालिका-१० आली बस्ने हाल नाम, थर, वतन नखुलेका करिब ३५ वर्षीय पुरुष सोही ठाउँस्थित मकै बारीमा मंगलबार दिउँसो मृत अवस्थामा फेला परेका छन् ।

भोजपुर: अरुण गाउँपालिका-२ सराङ बस्ने ५८ वर्षीया जिता राई सोही ठाउँस्थित सुके खोलाको पानीमा मंगलबार साँझ मृत अवस्थामा फेला परेकी छन् ।

जाजरकोट: भेरी नगरपालिका-३ स्यांला बस्ने ४० वर्षीय पट बहादुर विक आफ्नै घरको आँगनमा बुधबार बिहान मृत अवस्थामा फेला परेका छन् ।

ललितपुर: ललितपुर महानगरपालिका-१२ ईटीचोकमा हाल नाम, थर, वतन नखुलेका करिब ५० वर्षीय पुरुष बुधबार बिहान मृत अवस्थामा फेला परेका छन् ।

चितवन: भरतपुर महानगरपालिका-४ गैंडाचोक नारायणी तिरस्थित बाँसको झ्याङमा हाल नाम, थर, वतन नखुलेकी करिब ५२ वर्षीया महिलाको शव बुधबार बिहान फेला परेको छ ।

जुम्ला: हिमा गाउँपालिका-४ कुदुस्थित सडकदेखि करिब ६० मिटर तल कोदो बारीमा सोही ठाउँ बस्ने ३५ वर्षीय लगम भन्ने लोक बहादुर शाही बुधबार बिहान मृत अवस्थामा फेला परेका छन् ।

यस सम्बन्धमा स्थानीय प्रहरीले आवश्यक अनुसन्धान गरिरहेको जनाइएको छ । छ ।